Денес средба Димитров и Коѕиас со Метју Нимиц

По ненадејната средба на министрите за надворешни работи, Никола Димитров и Никос Коѕиас синоќа во Виена, денес фокусот се преместува на нивниот контакт Метју Нимиц.

Не е познато дали грчката страна денес ќе го претстави нацрт-планот за решение на спорот кој Коѕиас го најави за средината на февруари и за кој рече дека лично ќе го достави во Скопје, по промена на името на скопскиот аеродром, откако ќе долета од Атина и тоа ќе биде прв лет по многу години.

Мадиуми и во Грција и овде оценуваат дека денешната средба е всушност почеток на сериозните преговори, по интензивните разговори и размена на информации во претходниот период.

Коѕиас неодамна најави дека подготвува нацрт-договор од четири точки кој би требало да претставува основа за решавање на спорот, се разбира доколку биде прифатен од двете страни.

Позицијата на Атина останува непроменета: сложено име, по можност со географска определба и употреба на терминот Македонија без превод, пишува „То вима“.

„Продолжуваме да преговараме со соседите за заедничко прифаќање на решение кое не може да биде друго од сложено име со важност за секаде и за било каква употреба, ги известил своите сопартијци премиерот Алексис Ципрас на вчерашниот состанок на Парламентарната група на СИРИЗА.

Се разбира – рекол Ципрас – предуслов се уставни промени и повлекување на сите придружни иредентистички елементи“.

За преговорите за прашањето за името, Ципрас објасни дека Грција не е повикана „да даде нешто дадено од претходната влада“.

Тој објасни дека „соседите мора да се убедат да престанат да го користат терминот Македонија… и да се убедатда ги вратат имињата и симболите кои не припаѓаат на нив“.

Македонскиот премиер Зоран Заев изјави дека за Македонија е прифатливо промена на името со географска одредница, но без промена на Уставот.

1 Коментар

  1. Mojata metoda podrazbira procedura za prodlzhuvanje vo OON chlenstboto pod ustavnoto ime vo ON odnosno :
    1. raskin na pregovorite vodeni od Nimic;
    2 .Nimic, potoa, za kraj ili prekin izvestuva Generalen Sekretar na ON (Gensek) za kraj ili traen prekid na pregovorite, kako trajno opredelnie na Makedonija;
    3. Generalen Sekretar i Grcija, potoa, izvestuvaat Sovetot za Bezbednost (SB), i baraat (itna) sednica na Sovetot za Bezbednost na ON, bidejki drzhavata veke nema namera da pregovara za imeto;
    4. na sednicata na SB se donesuva SB Rezolucija ili samo Pretsedatelsko sooposhtnie na Pretsedavash na SB kade se povikuvaat i devete strani da nastavaat da pregovaraat;
    5. Makedonija, potoa, podnesuva Baranje za Dneven red za Generalnoto sobranie (GSON) do Generalniot komitet na Generalnoto sobranie na ON ( t.e. predlog tochka za Dneven red na sednicata na Generalnoto sobranie na ON);
    6. predlogot , potoa, po glasanjeto vo Generalniot komitet pominuva i se stava na glasanje na Generalnoto sobranie na ON (UNGA/GSON);
    7. se glasa za prodolzhenie ON chlenstvoto pod ustavnoto ime RM;
    8. koga ke se izglasa prodolzhenie ON chlenstvoto pod Republika Makedonija vo GS na ON,
    zavrshuva cela rabota, i nemame veke problem so OON i so Grcija vo OON odnosno problem so imeto e reshen.

Comments are closed.