Лекарите го спасија „Комитата“ нападнат со нож

Осумнаесетгодишното момче кое завчера беше нападнато од две непознати лица на автобуската станица „Рекорд“ во центарот на Скопје а кое до денеска беше во критична состојба е во стабилна состојба.

Момчето кое е сместено на одделот за интензивна нега на КАРИЛ при Ургентниот центар во Скопје попладнево благодарение на напорите на медицнискиот персонал е вон критична состојба, објавија негови роднини.

Момчето беше жртва на напаѓачи кои со остар предмет му нанеле убодни рани во стомакот по што биле предизвикани повреди и на црниот дроб.

Инцидентот се случил завчера околу 12.40 часот а полицијата сеуште нема приведени осомничени за нападот.

Членови на навивачката група Комити објавија дека момчето е нивни член и дека се работи за напад од страна на членови на навивачката група Шверцери.

1 Коментар

Comments are closed.