Македонскиот нордиец Јада последен во спринтот на ЗОИ

Првиот македонски претставник на 23. Зимски олимписки игри во Пјонгчанг, Ставре Јада, заврши последен меѓу 79 натпреварувачи со пласман во квалификациите во крос-кантри спринтот.

Деветнаесетгодишниот крушевчанец патеката од 5 километри ја истрча за 4:23,85 минути, заостанувајќи 1:15,31 мин. зад најдобриот во квалификациите Ристомати Хакола од Финска.

Од 80 учесници што стартуваат и ја завршија трката без пласман остана само Кинезот Чингхаи Сун, кој беше дисквалификуван.

Јада, кој го носеше македонското знаме на свеченото отворање и е праправнук на претседателот на Крушевска република, Никола Карев, ќе настапи и в петок во трката на 15 км, за која има исполнето олимписка А-норма.

Ден претходно, в четврток, на патеката треба да се појави и единствената македонска спортистка на овие Игри, Викторија Тодоровска (17), која ќе трча во квалификациите на 10 км.

 

Оставете коментар