Нов трилинг фудбалски титули за преубедливиот Вардар

Не останаа никакви дилеми за 36. последно, денеска одиграно коло, во Првата македонска фудбалска лига. Во амбиент на ревијална завршница се играше слободно на сите пет стадиони, и од страна на сите десет екипи. Но немаа сите причина за добро расположение.
Нејвесело секако, беше во Ѓорче Петров каде Вардар одигра само 0-0 со Силекс, но разликата во однос на втората Шкендија беше преголема, па во убавото попладне повеќе се прославуваше 11. титула, трета во низа, што е втор пат во историјата на македонскиот фудбал, по генерацијата од 92. Се славеше и повлекувањето на Влатко Гроздановски кој на заминување, рече дека, секогаш ќе биде дел од црвено црните.

Во останатите средби: Шкендија го победи и делумно му се реваншира на Пелистер (3-1) за загубеното Куп финале, Ренова беше многу убедлива кај Победа (0-3), Брегалница на простување од најсилната конкуренција го разнесе Работнички (6-2), а Шкупи кој оди во бараж и испаднатата Македонија ЃП ремизираа (1-1).

Еве ја конечната табела со заклучок дека првакот Вардар, втората Шкендија, третиот Работнички и Куп победникот Пелистер ќе не преставуваат во Европските купови.

1. Вардар         83
2. Шкендија     70
3. Работнички  54
4. Пелистер      52
5. Ренова         52
6. Силекс         47
7. Победа         41
8. Шкупи          37
9. Брегалница  24
10. Македонија 23
SHARE