Хан следната седмица во Скопје, побара соработка од опозицијата

Европскиот комесар за проширување Јоханес Хан ја искористи социјалната мрежа „Твитер“ за да најави дека идната недела ќе ја посети Македонија, упатувајќи ѝ притоа порака и на опозицијата оти очекува соработка со власта околу реформите.

„Одлична средба со вицепремиерот Бујар Османи и со министерот за надворешни работи Никола Димитров. Убеден дека Владата ќе го искористи позитивниот моментум и оти ќе видиме понатамошни резултати од реформите до крајот на годината. Тоа бара конструктивна соработка од сите политички сили, вклучувајќи ја и опозицијата. Со големо нетрпение ја очекувам својата посета на Скопје следната седмица, со политички средби и со размена на мислења со цивилното општество“, твитна Хан по денешната средба со Османи и со Димитров.

SHARE

Comments are closed.