Што содржи писмото со гаранции на Заев

Телевизија 24 повикувајќи се на информации од парламентарното мнозинство објави дека до Кабинетот на претседателот на државата Ѓорге Иванов е испратена гаранцијата што ја подготвуваат СДСМ и парламентарните коалициски партнери што Иванов ја побара за да го додели мандатот за состав на нова влада.

Се работи за верзија на гаранцијата на која се очекува одговор од Иванов. Според нивни информации, доколку нема забелешки се очекува лидерот на СДСМ Зоран Заев во вторник и официјално во име на новото мнозинство ќе му ја достави гаранцијата  и да го добие мандатот.

Неофицијално оваа телевзија објавува дека Иванов на 18 мај заминува на службено патување, ден пред истекот на законскиот рок за доделување мандат.

Претседателот на Собранието Талат Џафери во петокот на брифингот за новинарите рече дека неговите законски обврски кон Иванов завршиле и доколку тој во рок од 10 дена (19 мај) не го додели мандатот ќе следува втората варијанта, а тоа е формирање влада без мандат.