Рускиот претседател ги објави своите намери да се кандидира на претседателските избори во 2018 година, објавија руските медиуми.
Бидејќи Владимир Путин е апсолутен фаворит за победа на изборите, тоа ќе биде негов четврт мандат како претседател на Русија.
„Ќе ја понудам својата кандидатура за претседател на Руската Федерација“, изјавил Путин за време на состанокот со работниците во автомобилската фабрика ГАС.
Путин првпат беше избран за претседател во март 2000 година, а во 2004 година беше реизбран. Помеѓу 2008 и 2012 година беше премиер, додека Дмитриј Медведев беше на функцијата претседател, иако, според многумина реалната власт беше во рацете на Путин.
Во 2012 година Путин повторно стана претседател, а Медведев ја презеде премиерската функција откако беше променет руската устав, кој пред променета пропишуваше дека еден човек може да биде претседател најмногу два мандата.
Со уставните промени, зголемено беше и времетраењето на еден мандат – од 4 на 6 години.
Во последните месеци на Путин повеќепати му беше поставувани прашања за можноста за учество на изборите, но рускиот претседател изјавуваше дека „уште не одлучил дали ќе се кандидира„.
Претседателските избори се закажани за 18 март 2018 година, а изборната кампања ќе започне кон крајот на овој месец.
