Единаесет илјади Македонци со жалба за идентитетот во ОН во Женева

Loading...

Вчера во едиштето на Обединети нации во Женева, во пресрет на заседанието на Советот за човекови права, а за време на годишната средба на независни експерти и специјални репортери за човековите права на ОН, беше доставена жалба од граѓаните на Република Македонија, со над 11.000 потписи, за заштита на името на државата, како и на културните права, вклучувајќи ги и јазикот, етничкиот идентитет, националниот идентитет и историјата на македонскиот народ.

Во оваа жалба учествуваа и придонесоа граѓаните на Република Македонија на волонтерска основа, како и голем број невладини организации во Република Македонија и ширум светот.

„Изразуваме голема благодарност на сите оние кои учествуваа во оваа акција за заштита на нашата татковина и на нашите основни човекови права и ги повикуваме сите Македонци низ светот најитно да се активираат во битката и да го пратат следното ОТВОРЕНО ПИСМО на сите можни странски и-мејл адреси, на ‘Фејсбyк’ и на другите социјални мрежи.

ОТВОРЕНОТО ПИСМО може да го преземете на Фејсбук-страницата на Вера Лалчевска, како и на СУМ-Сите за унитарна Македонија, или на интернет страниците: www.wmc-a.com; www.prerodba.org.mk; www.mhrmi.org; www.umdiaspora.org; www.makedonskadiaspora.net“, се вели во информацијата.

Во жалбата и во отвореното писмо пишува дека со преговорите за името директно и флагрантно се нарушуваат основните човекови права и слободи, и се прави злосторства против човечноста на милиони Македонци ширум светот:

Одрекување на правото на самоопределување утврдено како апсолутно право на секој народ, согласно Член 1 од Меѓународниот пакт за економски, социјални и културни права и Меѓународниот пакт за граѓански и политички права;

Отфрлање на достоинството на човекот, според член 1 од Универзалната декларација за човекови права и член 1 од Повелбата за основни права на Европската унија;

Негирање на личниот интегритет, според член 3 од Повелбата за основни права на Европската унија и според член 8 од Европската конвенкција за човекови права;

Дискриминација врз основа на јазикот и националното потекло, како и врз меѓународниот статус на земјата, според член 2 од Универзалната декларација за човекови права;
Одрекување на културните права, според преамбулата и членовите 1, 3, 6 и 15 од Меѓународниот пакт за економски, социјални и културни права;

Намерно уништување на културното наследство, како што е дефинирано во Дел II од Декларацијата на УНЕСКО за намерно уништување на културното наследство;

Понижувачки и нехуман третман согласно Член 3 од Европската Конвенција на Човекови Права и и член 4 од Повелбата за основни права на Европската унија;

Тортура согласно Член 1 од Конвенцијата против тортура и други сурови, нечовечни или понижувачки третмани или казнувањa;

Злосторства против човечноста, согласно член 7 од Римскиот Статут на Судот за меѓународни злосторства;

Геноцид, согласно член 2 од Конвенцијата за спречување и казнување на геноцидни злосторства, и во согласност со член 6 од Римскиот Статут на Судот за меѓународни злосторства.

 

10 Коментари

  1. Во Македонија се декларираат 11000 забегани. Тоа и не е некој голем број. Значи, има надеж за Македонија.

  2. Кому ќе му ја шитнеш Македонија? Ваква каква што е не вреди ни пет пари. Ваква Македонија припаѓа на Афика. Не на Европа. Македонија е една педа земја која лесно се заобиколува од сите страни, сиромашна, далеку од море. Нема нити воена сила, нити економска, научна, културна. Нема ни некакви големи природни богатства, нити претставува голем пазар. По бројот на население е колку една улица во поголемите градови. Во Истамбул има повеќе проститутки отколку што во Македонија има население. Мизерни школи, болници, факултети. Никакви патишта, железница. Несреден сообраќај, гнасни улици, тротоари, дворови, паркови. Насекаде се плука, се фрлаат пикавци и разно ѓубре. Ни куче од западните земји не би можело да живее овде, каде ние живееме. Е ОВА Е НАШИОТ ИДЕНТИТЕТ кој некои грчевито се борат да го сочуваат. Оваа мизерија и беда во која живееме сакаат да ја сочуваа со невлегување во НАТО и ЕУ, а само во НАТО и ЕУ можеме да се научиме да живееме во некаков ред. Никој не ни` го зема јазикот, писмото. Нема да се промени нити еден збор во нашиот јазик, нити една буква во нашето писмо. Ќе продолжиме да зборуваме и да пишуваме како и досега. Етничкиот идентитет, историјата никој не може да ни ја земе. Никој нема да не`направи Швајцарци, Швеѓани, Данци, Норвежани. Никој нема да не` направи потомци на некој друг народ затоа што ние сме тоа што сме – Македонци, но потомци на еден од јужнословенските народи, а не на античките Македонци. Нашата историја, тоа што сме биле робови на Бугарите, Византијците, Србите, Турците и што со векови никој не не` признавал како посебен народ – никој не може да ни` ја земе. Нашето жално минато и нашата мизерна сегашност никому не му треба. Ќе остане со нас и понатаму ако останеме надвор од НАТО и ЕУ. Ние не сме способни сами да живееме, настрана од големи сојузи и организации.

  3. А ти ќе продолжиш да живееш во тоа ѓубре, несреденост, мизерија, наместо да помагаш да се расчисти и да се среди државата, за да стане едно убаво место за живеење. Има ли поголем срам за нас и за нашата земја од ова ѓубре, несреденост, од оваа сиромаштија и мизерија во која живееме? Срам ли ќе биде ако во името на Македонија се додаде одредница „Северна“ или „Горна“ или е срам како во оваа држава се живее? Ако дошло време да најмоќните земји во светот, членки на најмоќните сојузи НАТО и ЕУ, бараат од нас да прифатиме таква одредница за да станеме нивна членка – тогаш што треба да направиме? Ако со зачленување во НАТО и ЕУ се отвора шанса да бидеме помогнати од нив за да станеме побезбедни, побогати, посредени, ќе го отфрлиме тоа и ќе останеме да живееме во оваа мизерија? Не. Таквите како тебе треба да ја напуштат оваа земја, тие што сакаат да останеме во калта, а не тие што сакаат да ја направат пристојно место за живеење.

Comments are closed.