Апасиев: Не бе, другарчиња, грешка сте, договорот е антиисториски

Професорот Димитар Апасиев од универзитетот „Гоце Делчев“ во Штип и член на Президиумот на партијата Левица преку својот профил на „Фејсбук“ го оценува Преспанскиот договор како антиисториски.

„Владината пропаганда ви вика дека т.н. Преспански договор бил „историски“!? Не бе, другарчиња. Грешка сте. Договорот е АНТИИСТОРИСКИ.

Еве и ќе ви објаснам попластично зошто… Во чл. 36, ст. 1 од Уставот на РМ се вели: ‘Републиката им гарантира посебни социјални права на борците од Антифашистичката војна и од сите националноослободителни војни на МАКЕДОНИЈА, на воените инвалиди, на прогонуваните и затвораните за идеите на самобитноста на македонскиот народ и неговата државност, како и на членовите на нивните семејства кои немаат можности за материјална и социјална егзистенција’.

Е сега, ако наместо ‘војни за Македонија’, со амандман ставите ‘војни за СЕВЕРНА МАКЕДОНИЈА’ – автоматски ја фалсификувате историјата, оти ниеден партизан од НОБ и АСНОМ не се борел за таква република  Сеа, контате ли или треба да ви нацртаме?

#ЕвроатлантскиФалсификатори“, напиша Апасиев.

 

SHARE

Comments are closed.