Балкански џепчии „оперираат“ во Атина

Околу 150 до 200 криминалци, главно од Романија и Бугарија, пристигнуваат во Атина со ефтини летови, престојуваат 5-6 дена во мали хотели во центарот и по криминалната „експедиција“ во главниот град на Грција, се враќаат дома со плен што може да надмине 5.000 или дури 15.000 евра.

Нивниот престој може да биде продолжен за уште најмногу два дена, доколку бидат уапсени од атинската полиција, по што ги пуштаат, но тоа не влијае на туристите-џепчии  од кои некои се апсени и по 7-8 пати за истото дело.

„Клепто-туристите“ претставуваат кошмар за стотици илјади туристи и посетители, претежно странци. Тие се инфилтрираат меѓу нив и „собираат“ с’е до што можат да стигнат: паричници, чанти, чанти, камери и други вредни предмети.

Вчерашната акција, главно врз основа на прислушкување на телефонски разговори, во која биле оневозможени 30 џепџии од балканските земји, е само мал пример од она што се случува во центарот на Атина, пишува „То Вима“.

SHARE

Comments are closed.