Четири услови – Дали навистина сè e готово со Уставот?

Пратениците од опозицијата што вчера се изјаснија „за“ испратија писмо до власта со 4 услови.

Група пратеници од ВМРО-ДПМНЕ и коалицијата, непосредно пред гласањето, до Собранието поднеле предлог со неколку услови под кои би гласале за да се отвори постапката за уставните измени.

Целиот предлог
Да се пристапи во наредната, но не и конечна фаза, на дискусија по уставните амандмани, само под следниве услови, од чие исполнување ќе зависат и нашите идни ставови и нашата конечна поддршка за уставните амандмани:

1. Прифаќање амандман на Уставот со кој ќе се гарантира македонскиот идентитет;

2. Прифаќање одредба на Уставот со која ќе се гарантира дека доколку Република Грција не го ратификува договорот и повторно ги попречува евроатлантските интеграции на Република Македонија, ќе има безусловно поништување на сите прифатени уставни амандмани што произлегуваат од имплементацијата на договорот од Преспа;

3. Постепена промена на името за внатрешна употреба следејќи го процесот што води кон полноправно членство на РМ во ЕУ;

4. Прифаќање на иницијативата на претседателот на Владата на Република Македонија, Зоран Заев, искажана на 31. седница на Собранието на Република Македонија на 15 октомври 2018 година за простување во врска со настаните на 27 април 2017 година во Собранието на Република Македонија и сеопфатно национално помирување со формирање собраниско тело составено од шефовите на пратеничките групи, тројца пратеници и претседателот на Собранието на Република Македонија, кои ќе изготват и предложат до Собранието план за национално помирување во рок од 30 дена.

 

SHARE

Оставете Коментар