Денеска покана за Македонија да почне преговори со НАТО

epa06877564 NATO Secretary General Jens Stoltenberg gives a press conference ahead of a two days NATO summit at NATO headquarters in Brussels, Belgium, 10 July 2018. NATO member countries' heads of states and governments gather in Brussels on 11 and 12 July 2018 for a two days meeting. EPA-EFE/OLIVIER HOSLET

„Во 2008 одлучивме дека НАТО ќе ѝ додели покана на ПЈРМ за влез во Алијансата штом се изнајде заеднички прифатливо решение за името во рамките на ОН. Го поздравуваме историскиот договор помеѓу Атина и Скопје за решение за спорот за името. Во согласност со нашата политика решивме да ја поканиме владата во Скопје да започне преговори со Алијансата”, се наведува во нацртот кој треба да се официјализира по состанокот на шефовите на држави и влади кој почнува попладнево во Брисел, дознава „Дојче веле“.

Заклучоците ќе ги објави генералниот секретар на НАТО, Јенс Столтенберг на прес-конференција најавена за 17 часот.

Членството на земјата во Алијансата ќе се ефектуира откако ќе биде целосно завршен процесот на имплементација на договорот за името со Грција.

Министерка за одбрана Радмила Шекеринска денеска од Брисел порача дека поканата за Македонија ќе биде најпозитивна одлука на самитот.

„Денеска е ден во кој можеме да го поправиме она што го испуштивме во 2008 година”, вели министерката според која „една од недвосмислено најпозитивните одлуки на овој самит ќе биде поканата што ќе ја добие Македонија”.

Шекеринска вели дека земјата веќе добива честитки за огромниот пробив кој го направила.

„Денеска сите ја искористија можноста да ѝ честитаат на Македонија за огромниот пробив и целиот аудиториум нѐ награди со аплауз зашто се свесни дека ова е историски ден за Македонија, но важен е и за НАТО”, рече министерката за одбрана, пренесува „Дојче веле“.

1 Коментар

Comments are closed.