Поранешниот претседател на Бугарија (2002-2012) вели дека нема шанси да биде прифатено името Северна Македонија, коментирајќи ги резултатите од референдумот во денешното гостување на БНТ.

„…откако видоа дека името Северна Македонија не се прифаќа … и мојата прогноза е дека нема начин тоа да се прифати, погрешно е да се внесува во парламентот и дополнително да се заостри ситуацијата …

Јас мислам дека тука Бугарија треба да презеде водство и да ги повика нашите партнери од ЕУ и НАТО да оди кон прием на земјата во овие организации со името Република Македонија“.

Според Прванов тоа е потребно да се направи доколку Македонија им е „стратешки значајна, а не само како фронтовска држава  каква сега сакаат да ја претворат во односите со Русија “. Запрашан како ќе реагира Грција на тоа Прванов вели дека не сака да зборува во име на Грција и дека не би водел преговори со неа.

Во тој контекст тој го споменал прашањето за дефинирање на заедничката историја со Македонија.

„Да се ​​разбереме со Скопје на политичко ниво, а не на ниво на комисија каква што е направена, туку на политичко“.

Тој вели дека Македонија има поддршка од Бугарија, но дека е потребно „заедничко разбирање за историјата… бидејќи самосвеста на оваа популација е бугарска“, вели Георги Прванов за БНТ. 

SHARE

Comments are closed.