ЕУ и НАТО остануваат стратешки цели на РМ

„Мојот став е непроменет. Стратешка цел на Република Македонија е членство во Европската Унија и во НАТО Алијансата. Ho, ЕУ и НАТО не смеат да бидат алиби за лош договор со кој се отвораат многу повеќе прашања, одошто се затвораат“, и повтори и на шефицата на европската дипломатија, Федерика Могерини, претседателот на Република Македонија, Ѓорѓи Иванов на средбата во претседателската резиденција на Водно.

„И понатаму ќе ги поддржувам европските и евроатланските интеграции на Република Македонија, кои се од огромно значење за просперитетот на државата, но стратешките цели не смеат да се злоупотребуваат на сметка на националните интереси и интересите на македонскиот народ“, порача шефот на државата по средбата.

На средбата биле разменети мислења и за актуелната политичка состојба во земјава, за процесот на европска интеграција, како и за клучните предизвици со кои се соочува регионот.

SHARE

Comments are closed.