Градоначалникот на Демир Хисар бара извинување, тврди дека видеото е монтирано

Градоначалникот на општина Демир Хисар Марјанче Стојановски, кој беше снимен како се заканува дека снима наставнички бара извинување од медиумите.

Преку секторот за односи со јавност на тамошната локална самоуправа, денес испрати соопштение во кое посочува дека никому не се заканувал нити влијаел врз граѓаните на Демир Хисар за претстојниот референдум.

Според Стојановски видео материјалот е снимен на 22 јануари 2018 година, на првиот училишен ден од второто полугодие во ООУ „Гоце Делчев“-Демир Хисар, на средба со родители која се одржала на нивно барање.

„Моето присуство во просториите на ООУ „Гоце Делчев“ беше по претходно барање на група од триесетина родители кои одржуваа средба поради протест на две незадоволни наставнички од прераспоредувањето на работно место во образовната институција каде работат, што е законско право на раководното лице во училиштето. Претходно, дел од родителите ми се јавуваа и ме известуваа за тој протест и незадоволство на двете наставнички, како оделе од куќа на куќа и ги убедувале останатите кои имаа можност за лобирањето при носењето на одлуката за нивното прераспоредување. Притоа, во овој контекст, сакам да информирам дека изречените зборови од моја страна во тоа монтирано видео се однесуваат токму на тие разговори, односно комуникации и контакти кои ги имав со родителите, а не некакво прислушкување, закани, уцени и слично. Исто така, информирам дека за таа средба и протест известено беше Министерството за образование и наука“, вели во соопштението до јавноста од општина Демир Хисар.

Стојановски уверува дека видео материјалот е монтиран и не е во целост прикажан.

„Велам монтирано видео, затоа што не е во целост дистрибуирано и прикажано, зборови се извадени од контекст, со што се добива целосна погрешна претстава за она што јас го зборувам“, нагласува Стојановски.

Откако во неделата видеото беше објавено на социјланите медиуми, полицијата истиот ден по налог на Јавно обвинителство Битола, го приведе градоначалник на информативен разговор

Стојаноски во станицата кажал дека снимката која се појавила на интернет е од протест во ОУ„Гоце Делчев“ во Демир Хисар кој се случил во средината на јануари годинава. Протестот се одржал заради промена на две учителки во други подрачни училишта.

По сослушувањето Стојаноски бил пуштен, а во врска со овој случај ќе се повикуваат повеќе лица на службен разговор со цел негово целосно расчистување

„Значи заборавате дека во МВР работев, заборавате дека ги слушам сите телефонски јавувања, одење од куќи и така натаму”, им вели Стојановски на вработените во училиштето.

1 Коментар

Оставете Коментар