Грчки професор: Ниското учество не го прави референдумот невалиден

Спиридон Светас, професор по современа балканска историја на Универзитет „Аристотел“ во Солун, смета дека референдумот за името на македонската држава не може да се третира како невалиден, и покрај неисполнетиот цензус пропишан со Уставот.

„Ниското учество на референдумот не го прави невалиден, бидејќи од дамиот почеток беше јасно дека тој е консултативен и оти за ратификувањето на договорот од Преспа ќе се гласа во Парламентот. Но, факт е дека колку поголема беше излезеноста, толку повеќе пратеници од опозицијата можеа да гласаат за неопходните уставни промени“, изјави Светас за „Неос Космос“, весник на грчката дијаспора во Австралија што излегува во Мелбурн.

Според него, Владата и опозицијата можат да го толкуваат гласањето како победа, и покрај тоа што „Владата очекуваше да постигне излезеност од 41-42 проценти, наместо 36,8 отсто, но за сметка на тоа доби одобрување од 91 отсто наместо 70-71 отсто“.

Причините за ниската излезеност тој ги бара во „стравот на луѓето од поткопување на нивниот идентитет, постојаните критики од претседателот Иванов, објаснувањата од опозицијата дека станува збор за понижувачки и ропски договор со Грција за создавање нова држава и нова нација, кои ја елиминираат целата ‘македонска’ историја“. Во тој контекст, мешањето на европските политичари ја засили претставата за големата жртва што граѓаните треба да ја направат, додава тој.

„Ако Зоран Заев успее да ја надмине голготата на уставните промени, а ратификацијата на Преспански договор не помине во Грција, Бугарите ќе се смеат, а а Турците ќе профитираат“, заклучува Светас.

Професорот е на мнение дека Грција не може да си дозволи да направи стратешка грешка со незаинтересираност за процесите што се одвиваат во Македонија или со преправање дека не ги гледа интересите на Русија и на Турција во вака создадената ситуација.

Тој предвидува предвремени избори кон крајот на ноември ако договорот не биде ратификуван во македонското Собрание.

 

3 Коментари

  1. ИМЕТО СЕ ИЛИ ПРИЗНАВА ИЛИ НЕПРИЗНАВА, СЛИЧНО КАКО И СО ДРЖАВА И ДРЖАВНОТО ПРИЗНАВАЊЕ, КАДЕ ВАЖИ ПРИНЦИП:
    ДРЖАВАТА СЕ ОД ДРУГИ СУБЈЕКТИ ИЛИ ПРИЗНАВА ИЛИ НЕ СЕ ПРИЗНАВА, А ОД ОВА НЕПРИЗНАВАЊЕ НЕ СЕ ПРАВИ ИЛИ ИНТЕРПРЕТИРА КАКО СПОР ТЕ. НЕ ПРОИСТЕКНУВА ДЕКА СЕ ВО СПОР.

    ИСТО ТАКА, ИМЕТО СЕ ИЛИ ПРИЗНАВА ИЛИ НЕПРИЗНАВА, А „СПОР” НЕ МОЖЕ КАКО ЗАМЕНА ДА СЕ ПРОТУРКА И ПРЕТСТАВИ НАМЕСТО ОТСУСТВО НА ДИПЛОМАТСКОТО ПРИЗНАВАЊЕ.
    УСЛОВИТЕ НА ПРИЗНАВАЊЕТО НА ИДЕНТИТЕТОТ, СЕ НАДВОР ОД КАПАЦИТЕТОТ НА ДРЖАВАТА ШТО ТРЕБА ДА БИДЕ ПРИЗНАЕНА, БИДЕЈКИ ОВА НЕ МОЖЕ ДА СЕ ОТКАЖЕ ОД СВОЈОТ ИНХЕРЕНТЕН ИДЕНТИТЕТ. ОТТАМУ, БАРАЊА ЗА ПРОМЕНА НА ИДЕНТИТЕТОТ СЕ ЧИСТО ПОЛИТИКИ И ДИПЛОМАТСКИ БАРАЊА КОЈА НЕ СЕ ЗАСНОВАНИ НА МЕЃУНАРОДНОТО ПРАВО.

    ВО МАКЕДОНСКИОТ СЛУЧАЈ, СЕ ВРШИ ОБИД СО ТН. СПОР ИЛИ ТН. РАЗЛИКА ДА СЕ ЗАМЕНИ ПУНО ДИПЛОМАТСКО ПРИЗНАВАЊЕ ОДНОСНО ПОЛИТИЧКА КАТЕГОРИЈА НАМЕРНО СЕ ЗАМЕНУВА СО ФИКТИВНА ПРАВНА ИЛИ КВАЗИ ПРАВНА КАТЕРИЈА КАКО “РАЗЛИКА” ИЛИ “СПОР”.

  2. Се до денес се мислев дали е референдумот валиден, ама штом “грчки професор’ вели дека излезноста (цензусот) не е оној елемент кој еден референдум го прави валиден (успешен) или невалиден, понатаму нема што да му ја мислиме. (недостасува само уште онаа звездата Вики-Викторија со Fuck the EU!!!)
    Затоа сите во глас референдумот не е невалиден – рекоа грчки професори!!!!
    Да живеје референдумот!!!
    Абе грчки смоквар, знаеш ли дека има закон има Устав а и има меѓународни норми за тоа што е успешен-валиден и демократски еден референдум????
    Па на секој му е јасно зошто судовите изрекуваат драконски казни за поранешни функционери, или мислите дека некој верува во вашите бајќи, сето тоа го правите со цел да вршите притисок и да ги заплашите пратениците во Собранието кои се опозиција, за да гласат за ВЕЛЕПРЕДАВСТВО на Македонија и Македонците.
    И можеби ќе успеете (иако се сомневам заради многу причини) само тие пратеници се плашат од нешто друго повеќе отколку од вашите закани и притисоци.
    Зошто тнр “независни“ медиуми учествуваат во оваа валкана работа и пренесуваат само закани, уцени и шират страв, платени се за тоа или само глумат независност?!

Оставете Коментар