Грчки војници контра Преспанскиот договор

Грчки војници извикувале пораки кои се директно насочени против Преспанскиот договор.

Инцидентот се случил на традиционална воена парада, одржана вчера во Солун по повод сеќавањето на денот кога Грција влегла во борбата против фашизмот во Втората светска војна.

Дел од војниците на специјалната единица на резервата на грчката армија извикувале „Македонија е Грчка!“ додека поминувале покрај ВИП ложата во која седеле грчкиот претседател и други видни гости, пренесуваат повеќе агенции.

Согласно договорот од Преспа никој нема ексклузивно право да го користи ниту да го присвојува името Македонија.

На вчерашната парада грчката полиција спречила група на демонстранти кои сакале да протестираат против Договорот од Преспа за промена на името Македонија.