И Буш повика да се излезе на референдумот

Поранешниот американски претседател Џорџ Буш помладиот, кој на Самитот на НАТО во Букурешшт пред 10 години повика Македонија да стане членка на Алијансата заедно со Хрватска и Албанија, прерку писмо го повика македонскиот народ да излезе на 30 септември и да гласа „за’ на референдумот.

„Ги повикувам сите граѓани на Македонија да учествуваат во носењето на оваа историска одлука и да гласаат на националниот референдум на крајот од овој месец. После една деценија на пречки, сега ја имате моќта да напишете една нова и понадежна приказна за вас, за вашите деца, за вашите соседи и за вашата земја “, вели Буш во писмото, нагласувајќи дека со нетрпение го очекува денот кога САД гордо ќе и посакаат добредојде на Република Северна Македонија како најнов сојузник и 30-та членка на НАТО, пренесува “Гласот на Америка“.

SHARE

Comments are closed.