И легендарниот Кундера против Преспанскиот договор и референдумот за името

Легендарниот чешки писател Милан Кундера познат како автор на романите „Неподносливата леснотија на постоењето“, „Книга за смеата и заборавот“, и „Шега“ е потписник на писмото од 73 македонски и светски интелектуалци кое што британскиот весник Гардијан одбива да го објави.

Кундера важи за еден од најголемите живи интелектуалци на денешницата.

Писмото на кое тој го става својот потпис е одговор на писмото од четириесетина европски и американски интелектуалци кое што на 20 јули беше објавено во весникот Гардијан. Сега весникот сега одбива да објави одговор односно став на втората страна за ова прашање со што британскиот влиајтелен медиум го прекршува правилото за најмалку два извори при обработување на некоја тема.

Покрај Милан Кундера на писмото се потпишани и Јохан Галтунг, основач на Трансценд Унниверзитетот, Џејмс Петифер од универзитетот Оксфорд, Ричард Фалк од универзитетот Принстон, Жарко Пуховски од Загребскиот универзитет и многу други врвни интелектуалци од врвни европски и светски иституции и универзитети.

Гардијан одби да објави писмо – одговор на македонски и светски интелектуалци за договорот со Грција (ФОТО)

Од Википедија за Милан Кундера

Кундера пишува на чешки и француски јазик. Тој ги ревидира француските преводи на сите негови книги и затоа тие не се сметаат како преводи туку како оригинални дела. Како резултат на цензурата на комунистичката влада во Чехословачка, неговите книги биле забранети во неговата родна земја, а тоа траело до падот на оваа влада за време на Кадифената револуција во 1989 година.

Живот

Милан Кундера е роден во 1929 година во семејство од средна класа. Неговиот татко, Лудвик Кундера (1891-1971) бил ученик на композиторот Леош Јаначек и важен чешки музиколог, кој работел како управител на Музичката Академија Јаначек во Брно. Низ неговите дела може да се забележат музичките влијанија од 1948 до 1961 година. Милан научил да свири пијано од неговиот татко, а подоцна заминал да студира музикологија и музичко компонирање. Низ неговите дела може да се забележат влијанија и навраќања на музиката. Тој отишол толку далеку што дури вметнувал и ноти во текстовите за да ја долови поентата.

Кундера припаѓа на генерацијата млади Чеси кои имало мало или речиси никакво искуство од предвоената демократска чехословачка република. Нивната идеологија била во голема мерка под влијание на Втората светска војна и германската окупација. Уште во време на неговите тинејџерски денови, Кундера и се придружил на Комунистичката Партија на Чехословачка, која што ја превзеде власта во 1948 година.

Кундера го завршил средното обрзование во Брно во 1948 година. Тој студирал литература и естетика на Факултетот за Уметности при универзитетот Шарл во Прага. По два семестри се преселил на Факултетот за Филм при Академијата за сценски уметности во Прага, каде што посетувал предавања за филмска режија и пишување сценарија. Во 1950 година неговите студии биле накратко прекинати поради политички ангажман.

Во 1950 година тој и еден друг писател, Jан Трефулка, биле исклучени од Партијата заради “антипартиски активности”. Трефулка го опишал настанот во неговата новела Дожд врнеше врз нив, 1962. Кундера исто така го искористил инцидентот како инспирација за главната тема на неговиот роман ”Шега”, 1967.

По дипломирањето во 1952 година, Факултетот за филм го назначува за предавач по светска книжевност. Во 1956 година Милан Кундера е повторно примен во Партијата, за да во 1970 година биде исклучен по вторпат. Кундера, заедно со другите реформски настроени комунистички писатели како што бил Павел Кохоут, делумно учествувале во Прашката пролет од 1968 година. Овој краток период на реформски активности бил задушен со Советската инвазија на Чехословачка во 1958 година.

Кундера останал посветен на реформата на чешкиот комунизам и жестоко се расправал со Хавел во пишана форма велејќи дека суштината е да се остане смирен и дека “никој се уште не е затворен заради своето мислење” и дека “важноста на Прашката eсен на крајот може да биде поголема од онаа на Прашката пролет”. На крајот, Кундера сепак се откажал од своите реформски сништа и се преселил во Франција во 1975 година. Тој станал француски државјанин во 1981 година.

SHARE

Comments are closed.