По изрекувањето на пресудата од две години затвор за Никола Груевски пред скопскиот кривичен суд се случи инцидент откако член на ВМРО – ДПМНЕ од Штип ги тресеше оградите со кои е обезбедуван судот по што му се слоши и мораше да интервенира брза помош.
Полицијата воопшто не интервенираше затоа што не дојде до контакт меѓу демонстрантите и полициските сили што го обезбедуваат судот.
Демонстрантот кому му се слоши е познат под прекарот Бате Геле кој постојано протестира пред судот откако започнаа процесите против Никола Груевски и Сашо Мијалков од страна на СЈО.
Неговото вистинско име е Ангеле Зафировски, познат како Бате Геле, а е жител на Штип.
Бате Геле е осуден на условна казна за упадот во Собранието на 27 април.
