Како говореше Проф. Шкариќ за името? – Кога науката станува пазар

Loading...

Еден од најпринципиелните професори во историјата на правниот факултет во Скопје деновиве ја шокираше јавноста со своите ставови за договорот за името со Грција.

Светомир Шкариќ, човекот што со децении тврдеше дека Македонија поради низа правни, политичи и историски причини не смее да прифати менување на името сега од непознати причини го тврди спротивното.

Во неговите трудови има огромен број на забелешки и ставови кои што се дијаметрално спротивни на тоа што сега го заговара професорот по уставно право. Сега Шкариќ смета дека со договорот не се крши ниту уставот ниту меѓународното право иако голем дел од својата кариера дури и многу побенигни предлози за името ги сметаше за национално предавство и спротивно на македонскиот устав и закони.

Во својот труд насловен како „ Името Македонија во македонско-грчките односи“ на страна 101 и 102 професорот Шкариќ пишува:

„Во таков контекст, Република Грција со предложеното име всушност се залага за дезинтеграција на Република Македонија и за нејзиното исчезнување како самостојна држава…

Грчкиот монопол врз името е неодржлив и од следниве причини:

Прво, дел од регионот на Македонија за прв пат во историјата дојде под грчка валст во 1913 година, по втората балканска војна, односно поделбата на Македонија со Букурешкиот мировен договор;

Второ, Република Македонија со вкупната своја територија е сместена во Македонија, а северната грчка провинција која сега го носи името Македонија само е еден мал дел од вкупната територија на Грција

И трето, македонскиот народ своето име го носи со векови, а неговата држава се означува како македонска повеќе од педесет години, што не е случај со грчката северна провинција.

Парадоксално е една провинција да има предност во однос на меѓународно призната држава! Парадоксот станува уште поголем во услови кога барањата на Грција за промена на името Република Македонија немаат ниту правна, ниту исторска основа.

Спротивно од Грција, Република Македонија нема никакви аспирации за монопол на името Македонија, иако на нејзина страна се историските и правни аргументи. На Република Македонија не и пречи што северната грчка провинција се вика Македонија, исто како што на Велика Британија не и пречи што областа Бретања во Франција или на големото војводство Луксембург, провинцијата Луксембург во Белгија. На Република Македонија, меѓутоа, многу и пречи што таа е единствената држава во историјата на меѓународните односи чијшто прием во ООН е условен со промената на сопстевното име“.

Ова професорот Шкариќ го објавил во свој труд но најверојатно тоа веќе не важи. Тој сега молчи и се крие од јавноста да објасни зошто врвен интелект како него ги сменил ставовите преку ноќ. Само пред два месеци тој имаше сосема поинакви ставови од тие што ги прокламира деновиве.

3 Коментари

  1. Патем, Шкариќ не ги смени Тие основните ставови, и натаму тој признава вредноста на правната теорија на дополнителните услови, но од друга страна тој исто така смета дека ние сме сите неспособни и некадарни било што да направиме, особено Македонската дипломатија која на меѓународната арена никогаш не ги ни спомна тие ставови, а ни ставовите од судската пресуда во која е јасно имплицирано дека не постои иредентизам, тнр. територијални претензии, кражба или фалсификат на името, идентитет и историјата и слични наводи.
    Од друга страна, во Македонската дипломатија главниот збор имаше Срѓан Керим, кои ги обработи сите домашни структури, со цел да се оправда за својата неактивност во ООН по прашањето за името. Па така направи својот поглед, прифатен и од структурите на СДСМ во кои се вели дека:
    1. ако одиме на Генералното собрание на ООН, нашата акција ќе биде попречена во Советот за безбедност кои донесе резолуцијата од безбедносен вид и која прво треба да се тргне на страна со другата резолуција на Советот за безбедност, за потоа да одиме во Генералното собрание на ООН.
    2. Одлучувачко тело за ова прашање со името е Советот за безбедност, кои веќе преземал одговорност, а бидејќи двата тела „се на исто ниво” Генералното собрание на ООН, нема и не може да се меша во работата на Советот за безбедност.
    Со други зборови, ние никако не можеме да истераме работа преку Генералното собрание на ООН, тело во које Керим беше Претседавач! Па оттаму тој и нема никаква одговорност.
    Пред некое време, тој на Мирјана Трпческа и кажа другата прикаска, во која вели „ да, ние би можеле, но тоа би траело 50 години”.
    Овој вид ликови како Керим, многу е поопасен од Шкариќ или Фрчкоски, бидејќи тој пр. тивко го убеди и претседателот Иванов, а се обидуваше да го убеди и Груевски. Со други зборови, најпроблематичните ликови не се научници, туку бедници од дипломатијата кои направија немерлива штета на Македонските интереси!

    • Еве какво ретардирано објаснување пред неколку години даде С. Керим, за кој во една друга емисија Иванов рече дека „е консултирал меѓународен експерт” кои не дели ставовите на Игор Јанев. Многу внимателно погледнете интервјуто со ставовите кои покасно ги користеше во МНР и кај претседателот: https://www.youtube.com/watch?v=Jvmcj8R5oyU

    • “So drugi zborovi, najproblematičnite likovi ne se naučnici, tuku bednici od diplomatijata koj napravija nemerliva šteta na Makedonskite interesi!” Točno. Ova zaedno so političari kukavici – mora da gi opišime Gruevski i Ivanov ko takvi po što sovesta ili mu e ‘poremetena’ ili mu raboti ko mečka vo zimski son, odnosno edvaj. Imeno, na vreme skoro nikogaš ne mrdnaa pa setne, trčaj odnazad. Taka ne se ni gradi ni se brani država.

Comments are closed.