Македонка на насловната страница на „Плејбој“! (ГАЛЕРИЈА)

Loading...

Атрактивната Емилија Михаилова, Македонка од Швајцарија, осамна на насловната страница на германското издание на магазинот „Плејбој“.

Списанието за мажи во својот најнов број за месец мај, кој е во продажба од денеска, има интервју со фотографии од 29-годишната кандидатка на шоуто „Германија бара суперѕвезда“ на телевизија РТЛ, направени во Јужна Африка, каде што се снимаа последните епизоди од шоуто.

Со своите стас и глас, таа ги освои машките членови на жирито, шефот Дитер Болен и музичкиот продуцент и диџеј Мусе Т., уште на кастингот во јануари во Келн.

„Ќе додадам гас, танцувам и се обидувам да пренесам сè колку што е можно автентично“, вели таа за „Плејбој“, додавајќи дека вистинскиот избор на песни е важен колку и секси облеката.

На прашањето дали не сфатила дека шефот на жирито Болен флертува со неа, таа одговара: „Да, но тој има девојка. Тоа е само едно шоу“.

Истакнувањето на својата женственост таа го сфаќа како дел од шоубизнисот.

„Во секој случај. Веќе не сум мало девојче. Јас сум жена и добро се чувствувам во мојата кожа. Јас сум само тоа што сум, а многумина ми кажуваат дека тоа е секси. Затоа, си мислам – добро, останувам така“, вели Македонката.

Стоматолошката секретарка и фотомоделка, која е родена и живее во Роршах кај Сент Гален и која за швајцарскиот весник „Тагблат“ нагласува дека нејзина татковина е Македонија и оти редовно ја посетува родната земја на нејзините родители, минатата сабота се проби меѓу десетте најдобри во германското ТВ-шоу.

Следната емисија во која Михаилова повторно ќе се обиде да ги истакне својата заводливост и гласовните квалитети пред милионска публика е в сабота од 20:15 часот на РТЛ.