Лидерот на опозицијата Христијан Мицкоски денеска понуди две опции за предвремените избори со кои премиерот Заев се закани ако не се формира двотретинско мнозинство во Собранието.
ВМРО-ДПМНЕ во првата опција бара нов јавен обвинител кој што ќе биде предложен од страна на опозицијата и кој ослободен од притисоци ќе може да води истраги за сите што правеле криминал.
Втората опција и предуслов за да се оди на предвремени избори е формирање на ново обвиниѕелство по завршување на мандатот на СЈО кое што ќе се создаде по изборите а кое што ќе ги испитува и случаите за кои тимот на Катица Јанева велеше дека нема време да ги истражи.
Ова тело ќе има мандат да ги истражува и сите други случаи на криминал кои ги направи актуелната власт. Новото СЈО ќе треба да има мандат да ги истражи и сите случаи на изборен криминал на референдумот.
Мицкоски објави дека опозицијата има стотици докази, снимен материјал и изјави на сведоци дека на стотици избирачки места на референдумот биле правени кражби со помош на револвераши.
Опозицијата е подготвена сите докази да ги предаде на независен и непартиски јавен обвинител.
Два пати досега и на локалните избори и на референдумот СДСМ и ДУИ правеа тежок криминал и тоа ќе мора да се расчисти, порача Мицкоски кој најави дека за предвремени брзи избори мора да се почитуваат уставните и законските претпоставки за ткн Пржинска влада.
Тој сепак не е сигурен дали власта блефира за предвремени избори или сака да го продолжи својот 4 годишен мандат до декември 2020.
Мицкоски на прес конференцијата ја потврди изјавата на Али Ахмети од пред една недела, и рече дека никогаш никого не уценувал со амнестија за спроведување на демократските процеси согласно законите.