Дури 70 отсто од младите во Албанија би ја напуштиле земјата доколку добијат шанса за тоа, покажува извештајот на Националната мрежа за млади на Албанија (ANYN) и на CRCA Албанија.
Алтин Хазаизај, претседател на CCRCA вели дека оваа тенденција е во постојан раст бидејќи младите од целата територија на земјата се соочуваат со недостиг н социјални и економски политики.
Една од главните причини што младите сакаат да емигрираат и ја гледаат својата иднина надвор од земјата е невработеноста, пренесува МИА.
Според последната студија на светската организација за труд (ILO) Албанија е на прво место по нивото на невработеност на младите.
„Со 32 отсто невработеност меѓу младите, албанската влада потфрлила кога станува збор за младите во Албанија“ вели Хазизај.
