Ние да умреме, Макрадули и Поповска се спасија од отровниот воздух

Двајца од тројцата најодговорни за спроведување мерки против аерозагадувањето, лидерката на владината “зелена партија” ДОМ Лиле Поповска и заменик министерот за животна средина и просторно планирање Јани Макрадули не се во земјава.

Макрадули денеска и утре во Белград, ќе присуствува на министерската конференција „Иновативни решенија за намалување на загадувањето во Југоисточна и Јужна Европа“.

Макрадули замина во Белград кога Скопје и другите градови се задушуваат поради загадениот воздух, кој во некои градови, како Кавадарци и Скопје, синоќа беше десетина пати позагаден од дозволеното со ПМ 10 честички.

Поповска од завчера и цели 7 дена е на Светскиот самит за климатски промени што се одржува во Катовице, Полска (КОП24).

За првоодговорниот политичар за битка против загадувањето министерот за екологија Садула Дураки нема информација дали е во земјава или и тој се спасил од загадениот воздух.

Премиерот Заев воопшто не се занимава со ова прашање, тој е зафатен со менување на името.

А и денеска воздухот во Скопје повторно е енормно загаден. Концентациите на ПМ10 честичките од синоќа се над 200 микрограми, достигнувајќи и до 588 микрограми на кубен метар.

Во Центар од синоќа во 22 часот е над 200 микрограми и се движи од 233 па се до 357 микрограми што се регистрирани во 01 часот по полноќ.

Во Карпош концентрациите над 200 се присутни од 18 часот часот, а највисоката од 433 е достигната во 21 часот.

На станицата за мерење на квалитетот на воздухот кај Ректорат се евидентирани концентрации над 200 микрограми од 16 часот вчера. Во 02 часот по полноќ достигнале до 390 микрограми.

Во Бутел на мерната станица над 200 микрограми се забележани од полноќ, а најзагадено било во 17 часот вчера со 315 микрограми на метар кубен.

Најзагаден бил воздухот во Миладиновци со измерени 588 микрограми синоќа во 20 часот.

Последните мерења покажуваат концентации од 137 микрограми во Бутел, 159 во Миладиновци, 209 во Карпош, 238 кај Ректорат и 243 во Центар.

Среднодневната гранична вредност од 206 и 233 микрограми изнесувала во Карпош и кај Ректорат во Скопје.

За да се активираат мерките потребно е вакви надминувања од 200 микрограми на кубен метар на две мерни станици да има во два последнователни дена.

Загаден е воздухот и во другите поголеми градови во Македонија. Во Битола се измерени концентрации на ПМ10 честичките од 149, Кичево 144, Тетово 154, Кавадарци 129, Куманово 147 и Струмица 142 микрограми на кубен метар

SHARE

Оставете Коментар