Нов документ на Викиликс: Рикер и Глигоров за името во 2008

Високиот претставник на Стејтдепартментот на САД и поранешен американски амбасадор во Скопје, Филип Рекер, пред 10 години во ноември 2008 година, до своите претпоставени испратил депеша насловена како „Македонија: Поранешниот претседател Глигоров повика на храбра лидерство и решение за името”, објави Викиликс.

Во депешата, Глигоров е цитиран дека е за компромис за прашањето за името, но „црвената линија” е да се обезбеди дека јазикот и идентитетот да се нарекуваат „македонски” што според македонската влада се гарантираат со Преспанскиот договор.

Во извештајот на Рикер, според Викиликс, се вели дека Глигоров изразил разочараност поради недостигот на храбро политичко водство на актуелната влада, недостаток што тој го смета за основен за затворање на договорот за името.

Тој смета дека со ефикасно раководство Македонците можат да прифатат компромис за името, нагласувајќи дека црвените линии се само епитет што ќе го опише јазикот и идентитетот, нагласува Рикер во извештајот.

„Глигоров, исто така, рече дека Македонија мора да сфати дека не е центар на политичкиот универзум за САД, ЕУ и НАТО и мора да ги препознае границите на волјата на другите држави и организации за решавање на проблемите на земјата“.

SHARE

Comments are closed.