Останува енигмата за средбата меѓу браќата Заеви, Јанчев и Тодоров

Се уште нема демант од владата за средбата меѓу екс членови на ВМРО-ДПМНЕ И браќата Заеви.

Во сабота вечерта како што дознава Пресинг ТВ во хотелот „Сириус“ во Струмица се одржала средба меѓу градоначалникот на Кавадарци, Митко Јанчев и екс министерот Никола Тодоров од една и премиерот Зоран Заев и неговиот брат Вице, од друга страна.

Јанчев ниту ја потврдува, ниту ја негира средбата.

„Немам коментар“, одговори кусо Јанчев на прашањето од Пресинг ТВ дали е точно дека се сретнале и за што разговарале.

Новинарите на пресингтв.мк се обиделе да добијат и од Тодоров и премиерот Заев, но тие не одговориле на телефонските повици.

Очевидци тврдат дека средбата се одржала во познатиот хотел „Сириус“,  во саботата вечер.

Пресингтв пишува дека јавноста се повеќе е присутна дилемата дали, по притворањето на Мијалков, е доведено во прашање двотретинското мнозинство за уставни измени.

” Во тој контекст, средбата во „Сириус“ се означува како градење стратегија за тоа како понатаму. Претставници на власта се децидни дека притворот на Мијалков, како и на поранешниот министер за транспорт и врски, Миле Јанакиески, и екс-генералниот секретар на Владата, Кирил Божиновски, нема да ја нарушат постигнатата „идила“, пишува пресингтв.мк

Премиерот Зоран Заев викендов беше во работна посета на Струмица.

Целата информација на пресингтв.мк

SHARE

Оставете Коментар