Пеце „Суперхикс“ предлага платформа „Културна Македонија“

Фронтменот на една од најдобрите музички групи во последниве петнаесетина години во Македонија предлага основање на движење кое би ги збрало сите културни дејци кои се против шундот и кичот во културата и уметноста.

„Со доаѓањето на функција на новиот министер за култура сметам дека е вистинско време за ова и за реакција СЕГА И ТУКА“,пишува Петар Младеновски од „Суперхикс“.

„Пред некој ден ја ‘нафрлив’ идејата за здружување на сите културни дејци (музичари – рокенрол, електроника итн., поети, писатели, филмски работници) или, ако сакате наречете се ‘артисти со културен префикс’, кои се незадоволни од состојбите во културата, од турбофолкеризацијата на средината, промоцијата на кич и шунд (дури и во културни домови од неодамна) во една поширока (за почеток) неофицијална платформа која би ја оформиле тука, на ФБ како група.

За почеток ова ќе има неформален карактер и секој кој милува ќе може да и се придружи.
Целта на истата ќе биде отсега па натаму малку поздружено да реагираме на одредени моменти од кои не сме задоволни и на тој начин вршиме “притисок“ кон одговорните во тој сектор и на тој начин станеме свесни и активни корективи на многу недостатоци кои ги гледаме и чувствуваме секојдневно .

Ве имаше доста кои бевте ЗА па ајде да видиме дали ќе останеме и натаму “пасивни фејс активисти“ или малку ќе се активираме на “терен“! Очекувајте покана за придружување на истата”, ја образложува својата идеја и планот за работа фронтменот на култните Суперхикс кој прогласот го завршува со пораката
“ДА ЖИВЕЕ КУЛТУРНА МАКЕДОНИЈА”.