Потпретседателот Пенс им понудил помош на Заев и Ципрас, не го спомнува НАТО

Американскиот потпретседател Мајк Пенс вечерва по телефон им понудил американска помош на двајцата премиери Ципрас и Заев за договорот за името.

Тој прво разговарал со Ципрас а потоа и со македонскиот премиер. Неговата изјава е идентична за двајцата премиери.

“Разговарав со македонскиот премиер Зоран Заев за да понудам американска помош за решавање на долгогодишниот спор со Грција. Успешната имплементација ќе ги отвори вратите за европска интеграција и ќе ги засили регионалнипт просперитет и стабилност, напиша Пенс по разговорот со Заев.

Од објавата на Твитер на потпретседателот на САД нејасно е зошто тој зборува за отворени врати за ЕУ а воопшто не го споменува НАТО иако според владините претставници во Скопје е извесно дека Македонија наредната недела на самитот во Брисел треба да добие покана за алијансата.

SHARE

Comments are closed.