Прозваната Марија “која има капацитет” му одговори на проф. Марковиќ

Професорката Марија Ристевска, основач на Центарот за истражување и креирање политики, која се препознала во отвореното писмо на професорот Ненад Марковиќ кој зборува за тоа што ќе се случи вториот ден по референдумот ако истиот пропадне му одговара на својот колега:

Драг Ненад Марковиќ, малку сме умни за да се караме затоа јас никогаш не влегувам во конфликт ами се обидувам со аргументи да се разберам ако можам. Се препознавам себе си во оваа Марија која има капацитет.

Отсекогаш така ме опишувале зашто веројатно на тоа ќе останам, човек кој има капацитет и кој може; но кој не преќутува кога не е место да зборува (прифаќа дебати дури и кога треба да ја изберат во звање за разлика од многу колеги); кој не напушта другар зашто не е кул да се биде виден во негово друштво зашто е со Бранко у време кого ВМРО е најјако, ами го помага да го преброди најтешкото;

Нити сум некој кој калкулира па не се пријавува на конкурс за избор на наставник во својата област за да не му направи бранови во мирното море на колегата (зашто длабоко верувам дека на тој начин правиме подобро образование за студентите, секој во својата област да биде избран и да ја развива, а не да го бираме зашто тоа место се ослободило, а него му треба звање).

Затоа веројатно јас ќе останам со капацитет, без функција, без комфор, но со интегритет!

Интегритет како политолог да го симнам на најниско индексот на демократија во време на Груевски, интегритет како специјалист за ЕУ и политики да кажам немате реформи и лажете дека името ќе ни донесе ЕУ членство, и интегритет како правник да кажам дека #бојкотирам референдум заради тоа што договорот е неуставен, спротивен на меѓународно право, а организацијата на референдумот ги прекрши сите добри практики.

Јас имам интегритет и како човек и никогаш не би се дрзнала од граѓаните од кои извира суверенитетот на оваа земја да барам одговорност за практицирањето на нивното демократско прави да не/гласаш.

Напротив мојот професионален и личен интегритет ми налага да ги држам одговорни институциите:

1. Заради тоа што не ги информираа граѓаните за договорот (20 страни кои тешко се читаат и разбираат од специјалисти, а безмалку воошто не се разбирливи за обични граѓани) за да истите донесат информиран избор;

2. Заради тоа што водат кампања преку која шират лаги (ќе сме добиеле повеќе пари од ЕУ, а претпристапна помош дефинирана до 2026, а следната ни самата ЕУ не знае колкава ќе биде зашто треба да и се реструктуира и институциите и буџетот; или ќе сме имале бесплатни здравствени услуги; или дека ќе сме имале сигурен пазар за нашите производи кои не исполнуваат стандарди)

3. Заради тоа што трошат пари од буџет за кампања без да не информираат од која ставка им се парите па неможеме да ги следиме; или дека државата е поделена од партијата ама министрите се во кампања „ЗА„ иако владата треба да биде неутрална

4. Затоа што не информираа за денот потоа кој толку го проблематизираш; кои се импликациите од договорот? какви се уставните промени? колку имплементацијата ќе не чини? од каде, како ќе генерираме пари за овие, а не за други приоритети (на пример да унапредиме квалитет на образование, да ги зајакнеме независните институции и да обезбедиме подобра здравствена заштита)?

Многу ми е интересна оваа црно-бела реторика.

Ако не излезеш на референдум ќе не снема и треба да си одговорен за тоа! Ако не излезеш на референдум Албанците ќе ни направат војна и треба да си одговорен за тоа! Ако не излезеш на референдум ја одбираме Русија (иако таа не и ни избор) и си ги затвараме сите врати кон ЕУ и треба да си одговорен за тоа!

Не, драг мој Ненаде, овој народ не е одговорен за тоа! Одговорноста за денот потоа не смее да се бара во неизлегувањето затоа што:

1. Луѓето не биле информирани, а тука одговорноста ја носи власта;

2. Луѓето биле излажани за иднина која нема да ја добијат и тука одговорноста ја носи власта;

3. Луѓето не одлучиле да се трошат пари од буџет за кампања за референдум спротивно на сите добри практики и што ќе влијае државата да нема да може да достави услуги, исплати пензии, обезбеди плати;

4. Луѓето не знаат за што гласаат какви уставни промени и колку истите ќе чинат). Одговорни се политичките лидери кои прифатиле таква уцена, кои договориле се или ништо, кои потпишале договор кој што им решава еден гео-политички проблем на големите сили, но нас ни создава поголем внатрешен проблем со кој долго ќе се справуваме (не поларизира, дели, кине Македонците; не поларизира, дели, кине со Албанците; не поларизира, дели, кине од европските вредности).

Единствено што можеме Ненад е да ги држиме одговорни оние што сме ги донеле на власт со агенда да реформираат, да ја ослободат заробената држава, да работат на економски развој; а не да тргуваат со името.

А добро знаеш во политичката теорија има три опции:

а) да бидеш лојален на одлуките на тие што си ги избрал;

б) да се огласиш против одлуките на тие што си ги избрал;

в) да си заминеш / ги напуштиш тие што си ги избрал. Ина, Марија, магионичарот, роднините, соседите кои се огласуваат против погубниот договор – одлука која ја донеле оние кои сме ги избрале!

Зашто денот потоа им останува само уште една опција = да заминат!

Писмото на професорот Марковиќ на кое одговара Проф. Ристеска

Писмо од таборот ,,ЗА” што ќе ги замисли и активистите на #Бојкотирам

4 Коментари

  1. Марија со ова што го кажува покажа дека Ненад не бил во право. Оваа не е „Марија што има капацитет“. Оваа Марија нема капацитет. Владата не биле информирани за договорот за да донеселе информиран избор. Дваесете страници од договорот не биле доволно јасни за граѓаните да одлучат. А мори Марија! Дали конструкторите на авион треба да му објаснат на народот на кој принцип лета авионот, како се направени моторите на авионот па народот да одлучи дали да се направи авион? Требаше ли Ајнштајн теоријата на релативититетот да ја објасни на народот, па народот да одлучи дали да биде прифатена? На народот неможе се` да му се` објасни, нити народот има капацитет се` да разбере. Затоа има научници, специјалисти, стручњаци од сите области. Во областа на политиката има политичари кои народот ги бира за да ја водат државата и на народот да му обезбедат подобра иднина. Овие политичари кои денес ја водат државата веруваат дека договорот со Грција е добар и ќе донесе подобра иднина со тоа што Македонија со овој договор може да стане членка на НАТО и ЕУ. Веруваат дека да се биде членка на НАТО и ЕУ значи сигурност и просперитет за државата. Еве, со референдумот народот има прилика да каже дали верува или не верува во тоа. Дали народот ќе одбере она што ќе му донесе просперитет или ќе одбере стагнација и назадување, зависи од тоа колкав капацитет има народот да одбере. Ако има капацитет како „Марија што има капацитет“ тешко на народот.

  2. Штропагандата продолжува, се поставуваат имбецилни тези а потоа истите се земаат како неспорен факт и врз истите се гради солидна манипулативна порака!
    Лицата кои тоа го пласираат се лутат кога некој ќе ги нарече со вистинското име а тоа е ВЕЛЕПРЕДАВНИК или ЛВИСЛИНГ односно петта кољона и тие како Бугарите не им се допаѓало кога ги нарекуваме фашисти и окупатори туку сакале да ги нарекуваме ослободители. Овие домашниве квислинзи сигурно посакуваат да ги нарекуваме слично ослободители или можеби анеѓели (не се дале тие се навистина анѓели на смрта на Македонската држава!)!
    Или пак, зборуваат верувале дека имале став и сакале да гласат ЗА, а потоа велта дека не виделе аргументација која ете би ги предомислила.
    Но работата е во тоа што кај лица кои изјавуваат “јас верувам“ никакви аргументи не помагаат затоа што против верувам не постои аргумент тоа е избор и таму не важат правилата на логика!

    А сега искрено, не верувам дека некаква си аргументација ќе има ефект при носењето на одлука во врска со суицидот туку само прашањето дали сте да умрете ако сте во ред, сепак да знаете има алтернатива (секогаш) на суицид е живот, се разбира не овој живот што ви го нудат овие или тие туку слободен живот а тоа ќе го имате само ако почнете да се користите со својата глава! Исто како што не помогна аргументацијата дека избираат човек кој е еден меѓу најбогатите а се продава за “левица“ или дека аболициран човек за криминал кога ќе стане премиер ќе се бори против криминал, кај таквите редикули не помагаат никакви аргументи туку само НЛП!

Оставете Коментар