РЕФЕРЕНДУМСКИ ШОК КОРИДОР! – пишува Гордана Силјановска

Една недела отсуствував од „Европска“ Македонија! Бев во Стразбург, а потем во Белград, на летна школа за ЕУ, на која воведничари беа професори и докторанди од Франција, Германија, Србија, Косово и Македонија, чии тези се фокусирани на ЕУ. Моето излагање беше насловено : „Западниот Балкан пред портите на ЕУ: каде е клучот“?? Уживав во страсниот дијалог, во критичката духовна храна, во дебатата..

За миг, заборавив на референдумското реално шоу кај нас.

Се вратив. Иако се плашев од лошите духови од телевизиската кутија, посегнав по неа . Ме пречека една од епизодите од сапунската серија: „Како да се протурка и замаскира промената на државното име “, што секојдневно се емитува речиси два месеци.

Главен јунак е премиерот, важни улоги имаат министри и пратеници, лидери на невладини организации, новинари, ангажирани реал- професори.. политички аналитичари.. Во епизодата што одеше, премиерот, повикуваше и ветуваше почитување на гласот на граѓанинот на „историскиот“ референдум. Се запрашав: може ли референдум што по Уставот и законот е задолжителен, а се третира како консултативен, да биде историски?

На друг канал, на прашање за карактерот на рефрендумот, премиерот објасни дека референдумот е „консултативен“, па надлежните органи го имаат последниот збор…. Следеше „ мисловна бравура “ за начинот на оценка на (не)успешноста на референдумот, небаре условите не се утврдени во Уставот и законот, па треба да имровизираме како во џез.
Серијата вклучува и дебати, а дебатери се министри, пратеници, новинари, интелектуалци.. …

Се нижат стотина реклами и спотови, сите од ист нарачател: Собранието, иако е тоа непознато искуство во компартивната рефрендумска кампања. Познати лица од културниот, забавниот, спортскиот, образовниот.. живот, ЈАВНО ГЛАСААТ „за“ , небаре сме ги завршиле преговорите со ЕУ, или сме добиле покана за НАТО и се чека на нашиот збор. Се изјаснуваат во името на децата и внуците, заборавајќи дека името што го наследиле од претците, треба да им го остават на потомците !

Кон владино-невладината коалиција „За Европска“ Македонија, итаат дузина актери, како „ засегната страна“ под „(ПРО)ЕВРОПСКИОТ“ чадор!! Дури и некои пратеници од првиот парламентарен состав се огласија како подржувачи на „историската“ одлука , иако гласаа за Декларацијата за самостојна и независна Македонија, како и за самостојна и независна Македонија во 1991 год.

Владата, пратениците од власта и нивните обожаватели го окупираа медиумски простор 24 часа. Неуморно се борат за „ЕВРОПСКА “ ВИСТИНА, зборувајќи за ЕУ, иако е далеку од нас барем 15 години, ама, не изустувајќи ни збор за името. Најангажираните и највредните новинари ќе добијат БЕНЕФИЦИРАН стаж за невидената посветност на високата цел и за волшебничките комуникациски способности и византиски вештини во менаџирањето на референдумот, вежбани во Шарената револуција, парламентарните и локални избори.

Следат вести и не ми се верува: формирана е Комисија на Јавното обвинителство што ќе ги следи евентуалните нерегуларности на референдумот! Како не се сетија да го овластат Специјалното обвинителство! Веројатно знаете дека според Изборниот законик, Управниот суд на Република Македонија е надлежен за заштита на правата од изборниот процес, а по аналогија би требало и за референдумскиот, ама, во трката под меѓународно-грчкиот диктат, во брзината, заборавиле дека во Законот за референдум и други облици на непосредно изјаснување од 2005 год, останала надлежноста на Врховниот суд за повредите во референдумскиот процес!!!

Надлежните, од негрижа и непрофесионалност не смениле надлежноста, а можеби, повеќе сакале да одлучува Врховниот суд, наместо Управниот!!
Ја чув изјавата на портпаролот на Владата која како „засегната страна“, во улога на „чувар на државната вистина“, ќе ги следи и ќе реагира на лажните вести на социјалните мрежи ??? Па, нели Државната изборна комисија законски ја овластија да ги следи социјалните медиуми, иако секаде е тоа надлежност на телата за аудио-визуелни услуги? Каде е правниот основ за новото овластување на „Супер“ Владата ?

.. Го видов и спотот во кој се (зло) употребуваат некогашни изјави на функционери на опозицијата или носители на високи јавни функции за нужноста од ЕУ и НАТО интеграцијата, без да се каже дека ни на крај на умот не им било да го жртвуваат, или трампаат уставното име за отстранување на грчкото вето! Негативната кампања е знак на немоќ, а манипулацијата – на политичката недозреаност. Најлошо е кога зад вакви спотови стои Собранието, зошто тоа во државите на ЕУ, но и пошироко , било и ќе биде дом на сите пратеници, а не само на оние од власта, како во (НЕ) Европска и (НЕ) демократска Македонија, односно во „Северна Македонија“!!

Доживеав видео ШОК!! Како во латинско-американска држава, Премиерот, небаре ВОДАЧ на „ЧЕТВРТИОТ ИЛИНДЕН“, „наследник “ на Питу Гули, или Никола Карев, во улога на привремен „претседател на државата“, пред споменикот на Мечкин камен, опкружен со гардистите, не повикува на референдум !! Веројатно сценариово било за „ИЛИНДЕНСКА МАКЕДОНИЈА“, ама … може и за Северна Македонија!!

Го изгасив телевизорот….. и го повикав Свети Павле!!

5 Коментари

    • Еве што вели Фросина, со Јанев во заеднички труд од 2015!:
      Abstract
      Macedonia’s admission to UN membership in April 1993 (General Assembly (GA) resolution
      47/225 (1993), pursuant to the Security Council (SC) resolution 817 (1993) recommending such admission) came with two conditions in addition to those explicitly provided in Article 4(1) of the UN
      Charter, namely the candidate’s acceptance of: (i) being provisionally referred to as the ‘Former
      Yugoslav Republic of Macedonia’ (for all purposes within the United Nations) and (ii) of negotiating
      with another country over its name. These impositions are part of the resolutions, which also recognised (explicitly in SC resolution 817) that the applicant fulfils the standard criteria of Article 4 (1) of the Charter required for admission. In a recent paper, we analysed the legal nature of the additional conditions imposed on Macedonia for its admission to UN membership in the context of the advisory opinion of International Court of Justice (ICJ) given in 1948 regarding the conditions for admission of a state to the United Nations. The General Assembly subsequently accepted the ICJ’s advisory. There we concluded that the attachment of conditions (i) and (ii) to those specified in Article 4(1) of the Charter for the admission of Macedonia to UN membership is in violation of the Charter.
      In the present article, we shall examine the legal consequences of the irregular admission of
      Macedonia to UN membership and the possible modes of judicial redress. Emphasis will be on the relationship between the rights of states as applicants or members of the UN as derived from the Charter, other general UN documents and UN legal practices on the one hand, and the duties of the UN relating to those rights (i.e. its adherence to the provisions of the Charter) on the other. The analysis in the following sections will show that the advisory jurisdiction of the ICJ provides an adequate framework for juridical redress of the problem.
      Before analysing in more depth the illegal character and legal effects of the UN’s breaches in the process of admitting Macedonia to membership and the means of re-instituting the proper legal status of Macedonia as a UN member, we shall give a brief account of the problem of legal responsibility of international organisations (in particular the United Nations) for their unlawful acts (or omissions). We shall give special attention to those acts that are committed in their relations with their member states and other international legal persons.

      КОЈА ФРОСИНА РЕМЕНСКИ ДА И ВЕРУВАМЕ? Таа од 2015 или Оваа од Денес!

Оставете Коментар