Сменетиот од владата Шаќири веднаш добил нова локална функција

Разрешениот директор на затворот во Струга, Арменд Шаќири, осомничен за злоупотреба на службената функција, експресно бил назначен на нова локална функција во ново комунално претпријатие за Паркови и Зеленило. Одлуката вчера поминала на Советот на Општина Струга.

Тој за медиумите демантираше дека бил дел од криминална група осомничена за трговија со оружје и дрога.

„По наредба на Основниот суд имаше контрола во затворот и јас дадов исказ, но не како осомничен, туку како управител одговорен за установата“, изјави Шаќири за Телевизијата 24.

Извори од МВР за повеќе медиуми потврдуваат дека Шаќири кој е кадар на ДУИ сè уште е под истрага.

Владата пред два дена го разреши Арменд Шаќири од директор на струшкиот затвор официјално по негово барање.

Неофицијално, Шаќири е разрешен по полициската акција во Струга и околината на 7 јули кога беа приведени неколку лица за дрога и рекет.

1 Коментар

Оставете Коментар