Проф. Силјановска: Учеството на Европската Комисија во референдумот е забрането

Професорката Гордана Силјановска Давкова вели дека учеството на Европската комисија која официјално е дел од кампањата за референдумот, е спротивно на македонските закони.

“Изборниот законик врз основа на кој се води кампањата за референдумот забранува финансирање на изборна кампања од странски извори”, изјави Силјановска во емисијата Отворено на ТВ Алфа.

Професорката смета дека сега власта прави инверзија и наместо да се потпира на мислењето на граѓаните тврди дека храбри политичари треба да преземат одговорност и сами да носат одлуки во име на граѓаните.

За Силјановска тоа е спротивно на европските трендови каде се оди на поблизок контакт со граѓаните и повисоко ниво на непосредна демократија.

Според неа погрешно е да се упатува порака дека ако референдумот пропадне владата пак ќе донесе решение според своите ставови.

6 Коментари

  1. Одолговлекувањето на решението на проблемот со името не оди во прилог на Македонија. Како што е познато референцата FYROM дефинира еден нерамноправен статус на Македонија во ООН, нарочно во областа на нејзиното претставување. Тој статус е во спротивност со самата повелба на ООН, и со други мегународни правни акти.

    Одолговлекувањето на решавањето на ова прашање има реперкусии и на нашите односи со ЕУ.

    Обврската за преговори со Грција околу името е во споменатите резолуции на ООН, но токму тој нивен дел е правно нелегален(пречекорување на надлежностите на органите на ООН).

    Според тоа , наместо да се решаваат проблемите настанати со еден нелегален акт, потребно е да се работи на корекција на нелегалноста на тој акт, наместо да се решаваат последиците, треба да се искорени нивната причина.

    Од оваа гледна точка, преговорите со Грција околу името се прилично безпредметни што произлегува и од непроменливоста на ставовите на обете страни во досегашните разговори. Отсуството на притисок од страна на ООН кон двете преговарачки страни за разрешување на проблемот околу името(што тие, според резолуцијата на ООН требаше брзо да го сторат), може исто така да се сфати дека ООН молчејки признава дека одредувањето на името на една држава навистина влегува во нејзината внатрешна јурисдикција, и е битен дел на суверенитетот на држава.

    Во извештајот на Кризната група стои дека е направено кршење на член 4 од Повелбата на ООН. Објаснувањето зошто е тоа така исто така е пренесено од трудот на Јанев. Потоа, Промеморијата на МАНУ во заклучокот го пренесува ставот дека е направено кршење на член 4 од Повелбата на ООН. Мегутоа овде не е кажано дека со кршењето на овој член се крши и член 2 од Повелбата, став 1 кој вели дека ао постојат нелегални услови кои значат кршење на член 4, тогаш обврските кои настанаа од овие услови исто се нелегални .

    Овие дополнителни обврски претставуваат кршење на член 2 од Повелбата, став 1, а тие се:

    1. Референцата БЈРМ
    2. Обврската за преговорите

    Ова МАНУ не го искажа во својата Промеморија. Понатаму , во документот на МАНУ се прпушти да се каже дека при кршење на постапката, следи кршење на став 7 од член 2(немешање во строга внатрешна надлежност).

    Што се однесува до јужниот сосед Грција, единствена опција за нив останува промената на нашето име. Затоа Македонија треба да го постави прашањето за легалноста на дополнителни услови пред генералното собрание на ООН. Како што јас истакнав во повеке наврати, Македонија треба да предложи резолуција во Генералното Собрание со која Генералното Собрание бара советодавно мислење од Мегународниот суд на правдата за согласноста на поставените дополнителни услови кон Македонија при нејзиниот прием во ООН, со одредбите на Повелбата.

    Др. Игор Јанев е непосредно заслужен за признавањето на уставното име на Република Македонија од страна на Соединетите Американски Држави.

  2. ЗА РОДОЉУБИТЕ, ЗА ПАТРИОТИТЕ
    Пишува Тодор ПЕТРОВ
    Не срамете се и не плашете се од себе! Бидете и останете горди и достојни Македонци, Вашата земја и држава се вика Македонија, земја достојна од Бога и пред Господа! Била, е и ќе остане таа наша Македонија додека светот светува и векот векува! За Македонија пред Бога и пред светот сведочиме ние Македонците!
    Љубовта кон своите не значи омраза кон другите. Не велиш, ги мразам моите за другите да не помислат дека нив не ги сакам. Напротив, ако ти не ги сакаш своите, нема да ги сакаш ни другите.
    Кога велиш ги сакам сите, се подразбира дека прво ги сакаш своите, па останатите. И тоа е толку нормално, нездраво е ако така не е.
    Тие што си го сакаат родот, породот, родителот, роднината, народот, родината, татковината се родољуби, патриоти се тие!
    Има и одроди, изроди, апатриоти, тие не си ги сакаат родот и домот, ги мразат народот со кој живеат и државата во која живеат, од кадешто потекнуваат. За нив народот рекол: До дванаесет ги мразат сите, по дванаесет се мразат и себеси. Таквите не прифаќајте ги за блиски затоа што се лицемери, не пуштајте ги дома бидејќи се растурикуќи, не давајте им власт бидејќи и на народот и на државата ќе им наштетат…
    Секогаш и секому дарувајте мир и љубов, од себе кон светот, кон своите и другите!
    Да си родољуб, да си патриот, значи во тебе царува мирот и љубовта, си ги сакаш семејството, верата и татковината, само така ќе ги сакаш и светот и сите и другите, и нема поинаку! Само така ќе го браниш и одбраниш своето и другото.
    Затоа, сите Македонците еден за друг, и Македонија вечна од исконот до бескрајот!
    И не заборавајте, за долгот кон татковината, која треба да ја одбраните: Безусловен бојкот на референдумот и масовна неизлезеност на 30 септември, на денот на гласањето! Бојкотирам значи НЕ ГЛАСАМ! Не гласам затоа што сум ПРОТИВ промена на името на државата и идентитетот на нацијата на која и’ припаѓам! Прашањето за промена на името на државата не заслужува одговор! Не постои никаква одговорност за негласање на референдумот! Напротив, одговорност кон татовината Македонија е да на 30 септември да не гласате! Не бидете гробар на својот род и родината! Амин!

  3. МАНУ.
    Националната катастрофа е во тоа што во самата покана на конф., претседателот на Центарот за стратешки истражувања при МАНУ, академик Владо Камбовски, веќе ставил небулозен и ОПАСЕН ЗАКЛУЧОК кој гласи:
    “1.Со Спогодбата НЕ СЕ ЗАГРОЗУВААТ НАЦИОНАЛНИОТ ИДЕНТИТЕТ НА МАКЕДОНСКИОТ НАРОД, МАКЕДОНСКИОТ ЈАЗИК И КУЛТУРА, односно дека значењето кое им е дадено соодветствува со ВЛАДЕАЧКИТЕ СТОЈАЛИШТА НА МАКЕДОНСКАТА НАУКА И СО НАУЧНАТА ПОЗИЦИЈА НА МАНУ содржана во нејзините до сега објавувани студии за спорот околу името на државата????
    2. Со спогодбата НЕ СЕ ЗАГРОЗУВААТ НИТУ ИСТОРИСКИОТ И ПРИРОДЕН МУЛТИКУЛТУРАЛИЗАМ НА МАКЕДОНСКОТО ОПШТЕСТВО И ИДЕНТИТЕТСКИ СТАТУС И ПОСЕБНОСТ НА НЕМНОЗИНСКИТЕ ЗАЕДНИЦИ ВО РЕПУБЛИКА МАКЕДОНИЈА???

Оставете Коментар