Грчкиот композитор Микис Теодоракис се изјасни против предлогот од македонскиот владин врв за ново име на државата да биде „Илинденска Македонија“, сметајќи го за „потенцијален инструмент за фанатиците во Скопје“.

„Сите знаеме дека господинот Заев има голем проблем. Тој проблем се екстремните националисти во неговата земја со кои се сретнавме во претходната влада“, вели Теодоракис во текстот што го пренесоа многу медиуми во Грција.

Во него тој додава дека негов сон била Македонија до Егејско Море, но наведува дека истиот тој сон сигурно го имаат и Заев и цело „Скопје“.

Понатаму, тврди дека „Егејска Македонија ја инспирира Тито“, а зачленувањето на северниот сосед во НАТО го доживува како начин Атина да се принуди на отстапки.

За профаќањето на името Македонија, според него, потребна е што поширока согласност на граѓаните на Грција, бидејќи „само ние Грците можеме да дадеме историска легализација на името ‘Македонија’, но тоа не може да ги опфати само 29 отсто од оние што гласаа на претходните избори, туку, ако е можно, 100 проценти од Грците“.

 

SHARE

Comments are closed.