Во Њујорк нема голем исчекор, но Димитров не дава оставка

Loading...

Денеска попладне во 15,30 часот по средноевропско време продолжуваат разговорите за името во Њујорк, во кои покрај медијаторот Метју Нимиц учествуваат и министрите за надворешни работи на Македонија и на Грција, Никола Димитров и Никос Коѕијас.

Грчките медиуми ги потврдуваат информациите на expres.mk дека по вчерашната средба во Њујорк предлогот „Илинденска Македонија“ е речиси „мртов“ и дека сега на маса подеднакво можни се „Горна“, „Нова“ и „Вардарска“.

Грчката телевизија Антена од Њујорк јавува дека „сè уште нема цврста основа за решение, но дека има мал прозорец на можности“.

Се потврдуваат и информациите дека Нимиц може да даде нов предлог по средбата, но само ако Атина и Скопје се согласат за 90 проценти од пакетот, меѓу нив и за најважните прашања за ерга омнес и за уставните измени.

Антена јавува дека и покрај најавите на министерот Димитров за оставка ако пропадне најновиот пакет, тој вчера не го сторил тоа, што значи дека процесот е жив и има шанси за исчекор до крајот на јуни.

 

2 Коментари

  1. Кога и каде министерот Димитров најавил оставка „ако пропадне најновиот пакет“?

  2. Грција НЕМА монопол врз историското наследство на Античка Македонија !
    Македонска Влада треба да преземе мерки да ја блокира Англиската – САД ENG Википедија, како што направи и Турција, поради ФАЛСИФИКУВАЊЕ Историја! Антички Македонци не биле Грци!

Comments are closed.