Градоначалникот на Аеродром  на 15 дена ја стопирал изградбата на деветкатница кај Мајчин дом, по бурните реакции на граќаните и најави за нови протести за денеска.

„ Денес имав средба со инвеститорот кој мора да биде вклучен во барањето на решението. Го информирав него, а сега ја информирам и јавноста дека издавам решение за стопирање на градбата. Градбата е стопирана, влегуваме во барање решение низ дискусија“, рече Златко Марин денеска.

Забраната е врз основа на „неправилности во градилиштето“, кои денес инспекторот ги констатирал на терен, па затоа изградбата е стопирана на 15 дена.

„Во петок, закажувам вонредна седница на Советот на општина Аеродром. Ги повикувам претставниците на граѓанските здруженија и сите засегнати граѓани да бидат дел од процесот за барање на решението“, повика тој на прес-конференцијата.

SHARE