Ако дојде до нарушување на снабдувањето со гас или до целосен прекин на испораката на овој енергенс во текот на зимата, меѓу тие што ќе имаат најголеми проблеми е и Македонија, покрај Србија, Босна и Херцеговина, Финска и Естонија.
Според најновиот извештај на Европска комисија за отпорноста на европскиот гасен систем во текот на шесте месеци со ниски температури, проблем би имале и поедини европски држави, но тие не би биле толку ранливи како источните земји-членки на Европска унија и на Енергетска заедница.
Анализата покажува дека во овие земји, во случај на целосен прекин на испораката на гас, би им недостигале 80-100 проценти од овој енергент. Исклучок е Србија, каде што домашното производство на гас покрива една четвртина од вкупните потреби, а уште една четвртина би се надоместила од домашното складиште на гас „Банатски Двор“.
