Скопскиот градоначалник Петре Шилегов се наоѓа во Атина, каде со колегата од грчката метропола Јоргос Каминис разговараат за можностите за соработка меѓу двата града.
На заедничката прес-конференција Шилегов прво на присутните им се обрати на грчки јазик, по што доби силен аплауз. Натаму, обраќањето го продолжи на англиски.
Каминис и Шилегов проговорија за локалните избори во нашата земја, на кои скопскиот градоначалник нагласи дека бил избран уште во првиот круг, меѓу осум кандидати, и дека тоа за него претставува уште поголема обврска.
Атинскиот градоначалник рече дека тоа навистина е голема одговорност, но и дека има доволно време да ги направи ветените работи.
