360 степени: Во очекување на вакцина Македонија ќе добие донација фрижидери за нејзино чување

Американска фондација сака да донира фрижидери за вакцините против ковид-19 во Македонија, дознава 360 степени.

Станува збор за фрижидери за складирање на вакцините на “Фајзер” и “Модерна” кои бараат температура од -70 односно -20 степени целзиусови, какви што во моментов нема во земјава.

„Нашите информации говорат дека 4 производители се во завршна фаза и веќе се во фаза на апликација за добивање административна дозвола во европските и во американската агенција за авторизација на лекови. Тие 4 компании се Астра-Зенека, Модерна, Фајзер и руската вакцина Спутник V. Нашиот комитет за имунизација неколкупати заседаваше, ги разгледуваше карактеристикте на вакцините, се правеа некои иницијални планови“, вели министерот за здравство, Венко Филипче.

Најспецифична е вакцината на американски „Фајзер“ – треба да се транспортира и чува на температура од -70 степени целзиусови, додека онаа на „Модерна“ на -20 степени, дознава 360 степени.