Премиерот Христијан Мицкоски присуствуваше на пуштање во употреба на целосно реконструираното болничко одделение на ЈЗУ Универзитетската клиника за урологија при Клинички центар Мајка Тереза во Скопје.
-Она коешто успеавме да го видиме и тоа што го направиле тука директорот заедно со соработниците, е навистина нешто коешто нѐ доближува чекор поблиску до европското здравство, односно условите коишто ги видовме, сето она коешто претставува и апаратура и методологии навистина е нешто коешто е импресивно, порача Мицкоски.
Тој посочува дека ќе продолжи динамиката за инвестиции во здравството.
-Продолжуваме и понатаму со истата динамика и во периодот којшто следи. Интензивно планираме да инвестираме во здравството, тука е Клиничката болница во Штип, заедно со Медицинскиот факултет и студентскиот дом во Штип. Тука е болницата во Кичево, заедно со Здравствениот дом. Како и Клиничката болница и реконструкцијата на Клиничката болница во Тетово, соопшти Мицкоски во објава на својот фејсбук профил.