„Претседателот на Демократското движење Изет Меџити реагираше по заминувањето на Демократската партија на Турците од ‘Европскиот фронт’, опишувајќи го ова како знак за продлабочување на кризата на идентитетот во опозицијата.“ – објави информативниот портал на албански јазик „Алмакос“.
Натаму порталот ја пренесува објавата на Меџити на фејсбук: „Кризата на идентитетот во опозицијата се продлабочува. Денес Демократската партија на Турците го напушти ‘Европскиот фронт’, откривајќи ја програмската празнина и фактот дека сојузите се градат повеќе врз страв отколку врз убедување. Во оваа светлина, ‘опозициската коалиција’ се чини дека заслужува пореално име: ‘Национален сојуз за интереси’. Честитки за ‘принципите’!“