Американската амбасадорка во Македонија, Анџела Агелер, заедно со премиерот Христијан Мицкоски и министерот за одбрана, Владо Мисајловски присуствуваше на презентација на новопристигнатата опрема во Касарна „Јане Сандански“, која пристигна од САД.
„Од самиот почеток на оваа програма во 2019 година, нашите напори помогнаа во испорката на 67 возила од ваков карактер кои се последниот крик на технологијата, вклучувајќи ги и 29-те возила кои ги прифаќаме денес“, рече Агелер.
Фалејќи ги како удобни оклопни возила, Агелер кажа дека веќе се возеле во нив таа и премиерот Мицкоски.
„Господине премиер, се сеќавам на нашата прва средба во оваа касарна минатата година во јули, кога вашата земја прими уште една испорака на напредните лесни возила. Вие и јас имавме можност да се возиме во едно од овие возила и беа изненадувачки удобни. Ми раскажавте малку за вашата воена служба, за искуствата кои вие ги имате и сметам дека се навистина важни во развојот и оформувањето во поддршката кои ги имате во тие наши напори за модернизација на армијата на земјата, нејзините вооружени системи и на спосбностите“, посочи Агелер.
Денеска пристигнаа новите 29 лесни оклопни возила – JLTV од САД во Касарната „Јане Сандански“ во Штип, а кои се дел од предвидената модернизација од 2019 година.