Македонија

Претреси во Липково, Куманово и Желино и седуммина уапсени за злосторничко здружување, финансиски криминал и противправна корист од 7 милиони евра

Организаторите и припадниците на разоткриената криминална група, кои дејствувале подолго време, му нанеле огромна штета на буџетот на Република Македонија

2 минути за читање

По двегодишна опсежна предистражна постапка на Управата за финансиска полиција, што се водеше во Основното јавно обвинителство за гонење на организиран криминал и корупција, денес под раководство на предметниот јавен обвинител Управата за финансиска полиција спроведе акција, во која беа извршени претреси на повеќе локации на подрачјето на општините Липково, Куманово и Желино.

„Се работи за сложена предистрага, која опфаќа повеќе правни и физички лица. Целта е целосно разоткривање криминална група, која дејствувала подолго време и имала за цел вршење на кривичните дела ‘злосторничко здружување’, ‘даночно затајување’, ‘даночна измама’ и ‘перење пари и други приноси од казниво дело’. Намера на организаторите и припадниците на групата била да здобијат противправна имотна корист поголема од 430 милиони денари. Со тоа му е нанесена огромна штета на буџетот на Република Македонија. По налог на јавен обвинител од Основното јавно обвинителство за гонење организиран криминал и корупција во акцијата со асистенција на САЕ ‘Тигар’ од слобода се лишени 7 лица и тие се изведени пред судија на претходна постапка при Основниот кривичен суд. Едно лице не им е достапно на органите на прогонот.“ – се вели во соопштението.

Управата за финансиска полиција останува посветена на откривање и гонење на финансискиот криминал и заштита на буџетот на државата.

Поврзани теми:

перење пари|Управа за финансиска полиција|злосторничко здружување|даночно затајување|даночна измама|Јавно обвинителство за гонење организиран криминал и корупција

Повеќе на оваа тема:

Најнови вести од: Македонија

СПМ: Дрските конгресни предлози на ДУИ и Али Ахмети од позиции на великоалбанскиот шовинизам се насочени кон уривање на уставниот поредок и слабеење на државата!

„Конгресните предлози, кои ги формулира претседателот на ДУИ Али Ахмети, се насочени кон уривање на уставниот поредок и слабеење на државата! Ахмети така ја замислува демократијата со вткаен великоалбански шовинизам, кој не се ни обидува да го сокрие!“ – реагира жестоко Социјалистичката партија на Македонија во своето соопштение.   Под формата спроведување на Рамковниот договор Ахмети […]

Важно: Аеродромот во Скопје е отворен, но поради ниска видливост – откажани и пренасочени летови

Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот Аеродром Скопје има пет откажани, два пренасочени и шест летови со доцнење. Од 12 часот временските услови се подобрени, така што три лета пристигнаа, еден полета, а три лета се спремни да полетаат, информираат од ТАВ Македонија.

Алсат: Наместо со темелни промени во ДУИ, Конгресот заврши со рокади во раководството, на истите имиња, од еден орган во друг!

Лидерот на ДУИ Али Ахмети на денешниот конгрес изнел барање „да се поддржи предлог-законот на ДУИ за проверка (ветинг) со меѓународен надѕор како гаранција за бескомпромисна правда“ и во овие рамки да се спроведела „длабинска истага за сите носители на јавни функции во последните 34 години, за министри, заменици, градоначалници, директори, судии, обвинители и полиција“! Но, да се спроведе и „истрага за активностите на органите на државната безбедност и нивните функционери од 1945 година до денес на ОЗНА, УДБ, СДБ, ДБК, УБК, АНБ“! Дали можеби челникот на ДУИ сака да им се принесат на тацна и сите досиеја и сета архива на тајната полиција и безбедносните служби на Македонија од 1945 година до денес – нешто што го бара и Бугарија во рамки на “добрососедскиот договор“?! Со која цел ДУИ, произлезена од некогашната УЧК од 2001 година, и нејзиниот лидер Ахмети, како поранешен „врховен командант на УЧК“, сега бараат „длабински истражен увид“ во сѐ она, што го работеле безбедносните органи на македонската држава во изминативе 80 години?! Постои ли случајност, или некакво „симптоматично совпаѓање“ меѓу барањето на ДУИ и Ахмети и барањето на официјална Софија, која, исто така, како и ДУИ и Ахмети, пројавува „специјален интерес“ за сознанијата и активностите на безбедносните служби на Македонија по Втората светска војна сѐ до денес?!

Екс-директорот на Лотарија Бајрами заедно со Груби украле милиони евра државни пари

Во извештај на ДЗР, утврдено е дека се исплаќале аванси за ‘мали добивки’ на деловни соработници вредни 14 милиони денари, од кои, за 13 милиони денари документацијата била неуредна или невалидна. Исто така ДЗР утврдил и спорна документација за 36 милиони денари готовински одливи и 7 милиони денари приливи. И за ова, во извештајот се вели дека има изјави дека за тие износи не се примени ниту вратени аванси.
Сите вести од Македонија

Најнови вести

To top