Шефицата н ЕК ги повика унгарските власти да ја преиспитаат забраната за одржување на „Парада на гордоста“ во Будимпешта, најавена за сабота, и да се откажат од евентуалните санкции против учесниците.
„Парада на гордоста“ во унгарската престолнина мора „да се одржи без страв од кривично или административно гонење на организаторите или учесниците“, напиша Урсула фон дер Лајен на X.
„Им велам на ЛГБТИК+ заедницата во Унгарија и на други места дека секогаш ќе бидам ваш сојузник“, додаде таа.
Ги повикувам унгарските власти да дозволат Будимпештаската парада на гордоста да продолжи.
Без страв од какви било кривични или административни санкции против организаторите или учесниците.
Во Будимпешта, од една страна, полицијата ја забрани парадата на гордоста.
Но, градоначалникот Гергели Карачони, противник на десничарскиот премиер Виктор Орбан, одлучи да го одржи собирот.
Министерот за правда, Бенс Тусон, испрати писмо до амбасадорите на другите земји од ЕУ во кое наведува дека ниту тие ниту нивните колеги не треба да учествуваат во поворката.
„Правната ситуација е јасна, Парадата е забранет собир“, порача тој.
И покрај забраната, бројни европратеници објавија дека имаат намера да дојдат во Будимпешта и да учествуваат на парадата во сабота.
Организаторите на парадата предвидуваат рекорден број учесници, и покрај тоа што го велат Орбан и членовите на неговата влада.
Премиерот им советуваше на организаторите „да не се мачат да ја подготвуваат поворката оваа година“.
„Тоа е губење пари и време“, рече тој пред гласањето за законските измени насочени кон забрана на Парадата на годоста во име на „заштита на децата“.
Забраната беше официјално објавена на 19 јуни, но либералниот градоначалник на Будимпешта вети дека митингот ќе се одржи, тврдејќи дека станува збор за локален настан за кој не е потребна дозвола од владата.
Властите побараа парадата да се одржи на затворена локација, како што е стадион или хиподром, подалеку од погледот на малолетници.