Свет

Украинските сили ја вратија контролата врз речиси 90 проценти од Купјанск

Украинските сили ја презедоа контролата врз речиси 90 проценти од градот Купјанск во Харковскиот регион, изјави денеска врховниот командант на вооружените сили на Украина, Александар Сирски, еден ден откако Русија објави дека има целосна контрола врз градот.

1 минута за читање

Украинските сили ја презедоа контролата врз речиси 90 проценти од градот Купјанск во Харковскиот регион, изјави денеска врховниот командант на вооружените сили на Украина, Александар Сирски, еден ден откако Русија објави дека има целосна контрола врз градот.

-Благодарение на активните операции за пребарување и удари, успеавме да ги одбиеме (Русите) од Купјанск и да ја преземеме контролата врз речиси 90 проценти од територијата на градот, напиша Сирски на Телеграм.

Руските медиуми, повикувајќи се на прес-центарот на групата „Запад“ на руските вооружени сили, вчера објавија дека градот Купјанск во Харковскиот регион е под целосна контрола на руската армија.

Според нивните извештаи, сите делови од градот се под руска контрола, додека украинските сили се обидуваат „секој ден да се инфилтрираат во мали групи низ гробиштата, претрпувајќи значителни загуби“.

Во последните месеци, Купјанск е еден од централните сектори на борбите долж линијата на фронот која е долга речиси 1.000 километри.

Поврзани теми:

војна|избор|Русија|противнапад|Украина

Повеќе на оваа тема:

Најнови вести од: Свет

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите (Видео)

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

80-годишен Италијанец под сомнение за учество во „снајперски туризам“ во Сараево

Покренувањето на истрагата во ноември 2025 година предизвика реакции кај преживеаните од опсадата и нивните семејства, кои изразија надеж дека ќе се утврдат одговорностите и ќе се изведат пред правдата лицата вклучени во овие наводни злосторства, дури и по три децении.

Трамп свикува голем состанок за „клучните минерали“

Администрацијата на претседателот Доналд Трамп денеска во Вашингтон организира голем состанок на високо ниво, познат како Critical Minerals Ministerial, на кој присуствуваат министри и претставници од Европската Унија, како и од десетици други земји, за да се разговара за критичните минерали – суровините што се неопходни за високотехнолошката индустрија, одбраната и енергетската транзиција.
Сите вести од Свет

Најнови вести

To top