Македонија

Со полна пареа ќе се работи на инфраструктурни проекти во општините, потпишани договорите од вториот повик

Со 14 милијарди денари ќе се финансираат 828 проекти. За премиерот Христијан Мицкоски е значајно тоа што аплицирале сите општини без разлика на политичката припадност на градоначалниците.

1 минута за читање

Во Владата денеска се потпишани договорите со општините кои аплицираа и беа избрани на вториот повик за финансирање на инфраструктурни проекти. Потпишани се договори во вредност од околу 14 милијарди денари кои со средствата од првиот повик изнесуваат вкупно околу 20 милијарди денари со кои се финансираат вкупно 1.200 проекти.

За премиерот Христијан Мицкоски е значајно тоа што аплицирале сите општини без разлика на политичката припадност на градоначалниците.

  • За нас како Влада е многу значајно дека од сите општини, без разлика дали градоначалникот доаѓа од владината коалиција или од опозицијата или е градоначалник којшто е условно независен, се поднесоа проекти и за истите тие проекти денеска ќе ги потпишеме договорите, рече Мицкоски пред свеченото потпишување на договорите.

Со 14 милијарди денари ќе се финансираат 828 проекти. Премиерот најави дека Владата ќе продолжи да соработува со општините и со градежните компании за идните инвестиции што следат.

Изрази задоволство што на барањето на Министерството за финансии упатено до финансиските институции за изградба на брзата пруга од Коридорот 10 се пријавиле реномирани банки од САД, Обединетото Кралство, Франција и локални банки.

Поврзани теми:

топ

Најнови вести од: Македонија

Македонија доби пристап до 4,4 милијарди евра од здравствените фондови на ЕУ – можност за приближување до европските стандарди и политики.

Македонија доби пристап до фондовите за здравство од 4,4 милијарди евра на Европската Унија (ЕУ). Министерот за здравство, Азир Алиу денеска кажа дека потпишувањето на Договорот за учество на Македонија во програмата „ЕУ фор хелт“ (EU4Health) е значаен чекор кон натамошно приближување на македонскиот здравствен систем до европските стандарди и политики. Програмата отвора можности за развој на проекти во областа на дигитално здравство, превенција и рана детекција на болести, скрининг-програмите, онкологија, кардиоваскуларно здравје, ментално здравје, подготвеност за здравствени кризи, пристапот до лекови и медицински производи, како и за јакнење на здравствениот кадар.

Мицкоски: Зад провокациите станува збор за организирана бугарска пропаганда во нашата држава

Премиерот Мицкоски посочи дека бугарските политичари не се откажуваат од Протоколите 1 и 2, каде се охрабрува работата на историската комисија до влезот на Македонија во Европската Унија. Тој потсети на говорот на сегашниот бугарски премиер од 2019 година во Санкт Петербург каде тој си ги присвојува Кирил и Методиј и кажува дека вечно ќе ја слават Санстефанска Бугарија.

Петрушевски: Молкот на Филипче за бугарскиот дипломатски скандал е политички избор, а не случајност

Од специјалниот бугарски пратеник Венко Филипче, не слушнавме ниту еден збор осуда за објавувањето на оваа дипломатска нота, која е скандалозна по секоја основа. За Филипче ова очигледно не е тема што заслужува реакција
Сите вести од Македонија

Најнови вести

To top