„Албаноговорните вазали на ВМРО-ДПМНЕ и денес продолжија со манипулацијата со јавното мислење. Овој пат станува збор за автопатот Скопјe-Блаце, проект од стратегиско значење за Албанците и за врските со Република Косово.“ – наведува Демократската унија за интеграција во своето соопштение, кое го пренесува ТВ Шења.
Натаму телевизијата пренесува: Од ДУИ се револтирани, поради објавата на Вреди дека „Јавното претпријатие ‘Државни патишта’ ги отвори постапките за јавна набавка за подготвителната фаза на конечниот проект за изградба на овој пат“.
„Иако се завршени повеќе од два километри од оваа оска, проектот намерно се одложува и се одбива да се пушти во употреба. Првично Владата наводно најави техничка ревизија, а денес изјавуваат дека ја започнуваат постапката за јавна набавка од нула – јасен сценарио за блокирање на отворањето на автопатот. Целта на оваа Влада е јасна: систематска саботажа на секој животно важен проект, што има врска со Албанците, обидувајќи се да ги откаже инвестициите, кои ги иницираше ДУИ за време на претходната влада. Во исто време, Вреди наместо да ги штити албанските интереси, несомнено ги спроведува политичките наредби на ВМРО ДПМНЕ и прифаќа секоја одлука со противалбанска заднина.“ – се наведува во реакцијата на ДУИ.
ДУИ додава дека по октомври, кога „ќе се врати како раководен чинител“, ќе му даде приоритет на завршувањето на започнатите проекти, кои во моментов ги блокираат „новата влада и нејзините албаноговорни сојузници“. „Автопатот Скопјe-Блаце ќе стане реалност – не поради инает кон некого, туку заради нашата евроатлантска иднина и почитта, што ја заслужуваат Албанците во оваа држава.“ – наведува ДУИ во своето соопштение, кое го пренесе ТВ Шења.