„Тетово доживува нов бран на политичка мобилизација: десетици активисти од Младинскиот форум на ДУИ и подогранокот на ДУИ во градската населба Теќе ѝ се приклучија на коалицијата Вреди! Ова е вонреден развој на настаните и голем пресврт на локалната политичка сцена: повеќе од 40 луѓе организирано, со јасен политички чин се оградија од ДУИ и се наредија на линијата на Вреди и визијата на градоначалникот на Тетово Билал Касами.“ – објави информативниот портал на албански јазик „Инфошќип“ во својата информација со наслов „Потрес во Тетово: десеттици активисти на ДУИ преминуваат во Вреди, го поддржуваат Билал Касами и се стремат кон промени!“
Натаму порталот пишува: „Овој тренд на напуштање на ДУИ и приклучување кон Вреди започна одамна во тишина, но сега добива јавен замав. Деструктивните политики и манипулативните задкулисни акции ги наведоа младите и структурите на ДУИ да изберат промени и да ги прифатат активностите на Касами во трансформацијата на Тетово.“ – изјави раководителот на централниот штаб на Вреди Аднан Азизи.
Според него, ова е само почеток на голем бран на преминувања во Вреди, кој ќе ги опфати сите ограноци на ДУИ во Тетово. „Населбата Теќе е само првата точка, многу други се подготвени да се упатат кон Вреди. Започнува целосниот распад на ДУИ во Полог!“ – нагласува Азизи.
Вреди станува привлечна за оние, кои сакаат напредок и крај на една истрошена политичка ера. – објави „Инфошќип“.