Хроника

Серискиот убиец од Старо Нагоричане пред суд: Обвинет за четири убиства и два обида за убиство од јануари 2025 до февруари 2026 во Кумановско

Основното јавно обвинителство Куманово поднесе обвинение против 25-годишник од Старо Нагоричане, поради четири убиства и два обида за убиство извршени во период од јануари 2025 до февруари 2026 година на подрачјето на кумановскиот регион. Според Обвинителството, обвинетиот се гони за кривично дело убиство и два обида за убиство. Според наводите, со умисла лишил од живот повеќе лица и затоа , му се заканува казна затвор од најмалку десет години, или доживотен затвор.

1 минута за читање

Од кумановското обвинителство соопштуваат дека вештачењата спроведени во текот на истрагата покажале дека делата биле извршувани од ниски побуди, заради намера за задоволување полови страсти кон мртви женски тела. Според обвинението, првото убиство било извршено во јануари 2025 година во селото Клечовце, каде што обвинетиот наводно усмртил повозрасна жена во нејзиниот дом. Неколку месеци подоцна, во селото Драгоманце, била убиена уште една жена на сличен начин.

Во јули 2025 година во селото Челопек, обвинетиот се обидел да нападне жена, но се повлекол откако таа почнала да повикува помош. Во јануари 2026 година, според обвинението, усмртил уште една жена во Старо Нагоричане, а во февруари истата година во Челопек била убиена уште една повозрасна жртва. Последниот случај опфатен со обвинението е обид за убиство во Челопек во февруари 2026 година, кога обвинетиот, според истрагата, се откажал од намерата и избегал откако слушнал звук во близина.

Јавниот обвинител до Основниот суд во Куманово предложил продолжување на притвор за обвинетиот до завршувањето на судењето.

Поврзани теми:

топ|судска постапка против серискиот убиец од Старо Нагоричане|закана за казна од 10 години затвор|или доживотен затвор|обвинителство од Куманово

Најнови вести од: Хроника

Основниот суд од Тетово прогласи како виновни шестмина измамници: лекар им измислил „повреди“ во непостојна сообраќајка

Основниот суд Тетово прогласи како виновни шестмина измамници од овој град, зашто довеле во заблуда полицајци и доктор во болницата во Тетово – им се појавиле, лажејќи дека се „повредени во сообраќајка“, па дури добиле и медицински извештај за „телесните повреди“ од доктор во болницата, се со цел да ја приложат таквата лажна медицинска документација пред осигурителни компании и да земат отштета.

Осомничен полициски службеник: Пари од наплатени казни во готовина си ги ставал во џеп!

Јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при ОЈО ГОКК води кривична постапка против полициски службеник од Одделението за безбедност на сообраќајот на патиштата при СВР Скопје, поради постоење основано сомнение дека сторил продолжено кривично дело Злоупотреба на службената положба и овластување.

Во акции низ Македонија од 27 јули до 2 август 2026 приведени повеќе од 70 дилери на дрога, меѓу кои и од Белгија, Турција и Германија!

Министерството за внатрешни работи во текот изминатата седмица спроведе засилени акции против недозволената трговија со дрога, при што на територијата на целата држава биле уапсени и приведени повеќе од 70 лица. Акциските контроли биле реализирани од 27 јули до 2 август 2026 година, поради сомнение за сторени кривични дела и прекршоци, поврзани со недозволена трговија и поседување дрога.
Сите вести од Хроника

Најнови вести

To top