77-годишен државјанин на Македонија загинал во сообраќајна несреќа што се случила вчера попладне на автопатот Егнација, на делницата Сјатиста – Кристалопиги, во близина на Кожани.
Според информациите објавени од грчките медиуми, несреќата се случила вчера неколку минути по 14 часот.
До несреќата дошло кога возило управувано од 49-годишен Грк се судрило со возило од спротивна насока, во кое патувале 77-годишниот маж и 70-годишна жена од Македонија.
Мажот починал на самото место, додека жената, која му била сопатник, се здобила со полесни повреди.
Грчкиот возач на другото возило е приведен, а полицијата спроведува истрага за причините за несреќата.